Paviedamlajecca, što surjoznaje zdareńnie adbyłosia na pierapynku ŭ pryvatnaj škole «Smart Skuł». Adzin z chłopcaŭ streliŭ u adnakłaśnicu ź pnieŭmatyčnaha pistaleta. Pryčym stralaŭ u tvar. Pa papiaredniaj infarmacyi, u dziaŭčynki paškodžanaje voka.
Pryvatnaja škoła «Smart skuł» znachodzicca ŭ Minsku na vulicy Arłoŭskaj, 80. Heta terytoryja parka Dreamland. Zusim blizka — Pałac Niezaležnaści i budynak Viarchoŭnaha suda. «Nievialikija kłasy, kvalifikavanyja piedahohi, šyroki śpiektr dadatkovych pasłuh. Aŭdytoryi, abstalavanyja sučasnym abstalavańniem, čakajuć vašych dziaciej», — havorycca ŭ rekłamie škoły ŭ sacyjalnych sietkach.
Dyrektarka «Smart skuł», adnak, datyčnaść svajoj ustanovy da hetaha incydentu admaŭlaje.
«Toje, što pišuć, nie maje nijakaha dačynieńnia da našaj škoły. Heta nie našy vučni, jany atrymlivajuć dadatkovuju adukacyju ŭ dziciačym centry na terytoryi parka «Drymłend», dzie akramia našaj škoły znachodzicca niekalki ŭstanoŭ. Dzieci vyjšli dadomu, i na prypynku niešta zdaryłasia», — raspaviała partału Tochka.by kiraŭnica škoły Natalla Bazanava svaju viersiju taho, što zdaryłasia.
Pa słovach dyrektarki, dzicia znachodzicca ŭ balnicy, zrok nie paciarpieŭ.
Praŭda, adnačasova z hetym pašyrajecca infarmacyja, što nibyta kiraŭnictva «Smart skuł» imknułasia schavać hetuju infarmacyju, vykarystoŭvajučy roznyja mietady.
U Ministerstvie adukacyi admovilisia kamientavać situacyju, «pakul buduć vieścisia śledčyja dziejańni». U MUS i ŭ minskim HUUS infarmacyju pa hetym incydencie paabiacali ŭdakładnić.
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady7
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary