Narviehija pasunuła Rasiju ź pieršaha miesca siarod pastaŭščykoŭ hazu ŭ Jeŭrasajuz
Narviehija stała lidarkaj u pastaŭkach pryrodnaha hazu ŭ Jeŭropu, pasunuŭšy Rasiju, jakaja skaračaje pastaŭki ŭ krainy Jeŭrasajuza. Pra heta piša Business Insider sa spasyłkaj na Reuters.
Ministr enierhietyki Narviehii Terje Asłand zajaviŭ, što jahonaja kraina płanuje zachavać zdabyču pryrodnaha hazu na ciapierašnim vysokim uzroŭni, pakul Jeŭropa zmahajecca z kryzisam vytvorčaści elektraenierhii, jakaja moža padarvać jaje pramysłovaść.
«Ja čakaju, što my zmožam padtrymlivać uzrovień vytvorčaści, jaki my majem ciapier, da 2030 hoda», — dadaŭ Asłand.
Aficyjnyja prahnozy śviedčać pra toje, što Narviehija maje namier pavialičyć zdabyču pryrodnaha hazu na 8% u paraŭnańni z 2021 hodam. I adpaviedna pabić svoj rekord piacihadovaj daŭnaści.
Heta paŭnočnajeŭrapiejskaja kraina apiaredziła Rasiju paśla taho, jak Maskva skaraciła ekspart hazu, kab adkazać na zachodnija sankcyi. Abmiežavańnie pastavak «Hazprama» pryviało da rezkaha rostu cenaŭ na pryrodny haz u Jeŭropie, a etałonnyja fjučarsy na haz TTF u Niderłandach padskočyli na 220% z pačatku červienia.
Taksama vydańnie adznačaje, što choć Narviehija maje namier padtrymlivać vysoki ŭzrovień zdabyčy hazu, jana nie płanuje źnižać ceny, kab zrabić jeŭrapiejskuju enierhiju bolš dastupnaj.
«U pryncypie, rynak prahnazavany. Kali jość deficyt, ceny vysokija. Heta taksama spryjaje pavieličeńniu vytvorčaści i nakiroŭvaje haz na rynki, jakija ŭ im bolš za ŭsio majuć patrebu», — dadaŭ Asłand.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva8
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary