Hramadstva1111

«Łukašenka raźličvaje nie na hrošy, a na admienu sankcyj i pryznańnie jaho pieramohi». Viačorka ab prapanovie vykupić palitviaźniaŭ i inšych pretenzijach

U niadaŭnim strymie Valeryj Capkała raskrytykavaŭ dziejnaść Śviatłany Cichanoŭskaj i jaje ofisa. A dla vyzvaleńnia palitviaźniaŭ prapanavaŭ svoj scenar: vykupić ich u Łukašenki za hrošy. Daradca Śviatłany Cichanoŭskaj Franak Viačorka adkazvaje na hetu ideju.

Valer Capkała i Franak Viačorka.

«Nie ŭjaŭlaju, što majecca na ŭvazie pad «vykupić palitviaźniaŭ». Łukašenka ž raźličvaje nie na hrošy, a na admienu sankcyj i pryznańnie jaho pieramohi. Kali pieršaje i mahčyma pry vyzvaleńni ŭsich, to pryznańnie jaho prezidentam — nie. I my ŭsio roŭna ŭpremsia ŭ novyja vybary. Łukašenka baicca vypuścić navat chvorych i starych, a AAN jamu prapanoŭvali: pra jaki vykup moža iści havorka?

Uvohule, razmovy pra niejki handal palitviaźniami hučać nie zusim etyčna. Jakija ŭhody my možam rabić z Łukašenkam? Niama nijakaj harantyi, što jon vykanaje svaju častku. Niama nijakaj harantyi, što jon nie nabiare novych [palitviaźniaŭ]. Usie pavinny być vyzvalenyja. I my pavinny stvaryć umovy, pry jakich paŭtor represij stanie niemahčymy, i vyjści z zamknionaha koła», — prakamientavaŭ Viačorka.

Hrošy i kamunikacyja ź inšymi demakratyčnymi pradstaŭnikami

Capkała ŭ strymie siarod inšaha ŭzdymaŭ pytańni hrašovych raschodaŭ i palityki ź ihnaravańniem jaho linii, u tym liku Foruma demakratyčnych sił, ahučyŭ sumnieŭ nakont abaznačeńnia Śviatłany Cichanoŭskaj i jaje kamandy ŭ jakaści hałoŭnych demakratyčnych lidaraŭ. Daradca Cichanoŭskaj adkazaŭ na hetyja pretenzii.

«Nakont hrošaj: Ofis nie rasparadžajecca i nie raźmiarkoŭvaje zamiežnuju dapamohu. Jana idzie pravaabaroncam, biznesam, univiersitetam, žurnalistam, aktyvistam. Jak praviła, praź implemientaraŭ, na jakich my taksama nie možam mieć upłyvu (tak ich dziejnaść abaroniena ad umiašalnictva palitykaŭ).

My možam ahułam łabijavać pavialičeńnie padtrymki, što my i robim. Nakont raschodavańnia: my sami zrabili zapyt u Brusel, čakajem detalizacyi, što kudy patračana. U ich chapaje svaich kantrolnych orhanaŭ, i spravazdačy publikujuć na sajtach. Sama dziejnaść Ofisa ŭ Litvie vyvučajecca pad mikraskopam, roznymi pravierkami i padatkovymi. Da nas patrabavańni bolšyja, čym da kaho, i złoŭžyvańni niemahčymyja. My aščadna viadziom dziejnaść.

U supracoŭnikaŭ siarednija pa Litvie zarpłaty, i my pierajechali ŭ mienšy pa pamiery ofis. Pryčym častku ofisa zajmajuć pradstaŭniki roznych inicyjatyŭ i arhanizacyj: my dzielim ź imi techniku i studyju. 

Što nakont kamunikacyi ź inšymi. Cichanoŭskaja z Valeram i Vieranikaj Capkała za apošnija niekalki miesiacaŭ minimum trojčy jeździli ŭ zamiežnyja pajezdki. I z Paŭłam Łatuškam, i ź siastroj Maryi Kaleśnikavaj — Taćcianaj Chomič. Pastajanna adbyvajucca zvanki praz zum palityčnych lidaraŭ. Cichanoŭskaja sama pravodzić pasiedžańni arhkamitetu, dzie sabranyja roznyja palityčnyja hrupy. Pravodzić sustrečy z Kaardynacyjnaj Radaj. Možna kaho zaŭhodna abvinavacić u dyktatury, ale nie Cichanoŭskuju, jakaja siadzić i pa viečarach sama adkazvaje ludziam u instahramie pra vizy i pra toje, kali my pieramožam». 

Kanfierencyja «Novaja Biełaruś» usich prymiryć?

8—9 žniŭnia ŭ Vilni była anansavana kanfierencyja «Novaja Biełaruś», jakaja musić sabrać usie demsiły ŭ adnym miescy dla dyskusii. 

«Vy kazali «źbiaryciesia razam i dajcie hołas usim» — i my razam z partniorami, Kaardynacyjnaj Radaj, BYPOL, NAU, palitykami, hramadzianskimi inicyjatyvami, biznesami, analitykami i niezaležnymi ekśpiertami źbiaremsia razam na Kanfierencyju Novaj Biełarusi. My budziem razmaŭlać adno z adnym adkryta, pakazvać vyniki pracy, spračacca pra realnyja płany», — anansavała Śviatłana Cichanoŭskaja. 

Franak Viačorka paćvierdziŭ, što Valer i Vieranika Capkały ŭžo paćvierdzili svoj udzieł u kanfierencyi:

«Zaprošanyja spadary Prakopjeŭ, Łatuška, Ščyhielski.

U arhkamitet uvachodziać NAU, Partyja «Razam», «Supraciŭ», «Bajpoł», Nacyjanalnaja płatforma i inšyja. Kožny dzień sazvony. Usie ŭdzielničajuć, spračajucca. I heta narmalna.

Skrynšot sa staronki Vieraniki Capkała ŭ fejsbuku.

Uvohule, spračacca narmalna. Svaboda słova, zvyčajny praces. Viedajecie, u nas tak šmat hod nie było palityčnaj dyskusii — i voś jana naradžajecca. Hałoŭnaje abyścisia biez abrazaŭ i chamstva. Pakiniem heta Łukašenku».

Čytajcie taksama:

«Što da vykupu palitviaźniaŭ, to ideja nie novaja. Tak rabiła FRH u časy HDR»

Zianon Paźniak: Paznajomlusia ź Cichanoŭskaj, kali jaje aryštujuć u volnaj Biełarusi

Kamientary11

  • Lićvin
    26.07.2022
    Ja nia viedaju što zdaryłasia ź Viačorkam ale jon historyju Biełarusi dobra viedaje, nia viedać sapraŭdnaje kiraŭnictva ŭ vyhnańni i pracavać z samazvancami jakija jak i ŭ Biełarusi nichalery dla biełarusaŭ nia robiać... Prosta niama słoŭ
  • Lićvin
    26.07.2022
    Častnyj dietiektiv, ?
  • Ivan
    26.07.2022
    Jakija mižnarodnyja pajezdki z Capkałam mohuć być? Kudy byli hetyja pajezdki? Nakolki źmianiłasia jaho pazicyja datyčna Rasiei i rasiejskaj movy na Biełarusi?
    Capkała taksičny dla sumiesnaj pracy.

Ciapier čytajuć

Łukašenka patłumačyŭ, čamu jaho nie vidać pa sieradach i subotach18

Łukašenka patłumačyŭ, čamu jaho nie vidać pa sieradach i subotach

Usie naviny →
Usie naviny

U najbližejšy čas Izrail moža ŭdaryć pa Iranie9

Amierykanski miljanier pryjechaŭ u Polšču, kab nabyć futbolny kłub, i naśmierć padaviŭsia varenikam13

SBU ŭkaraniła svajho ahienta ŭ maskoŭski ofis paplečnika Janukoviča, jaki zajmaŭsia špijanažam dla FSB1

Važnyja źmieny ŭ zakonie ab nieruchomaści — jany tyčacca rehistracyi majomaści

Bieraściejcy ŭ Hdańsku staviać rekordy pa abarocie kantejnieraŭ1

Stała viadoma, kali možna spadziavacca na chutkasnuju elektryčku ź Minska ŭ aeraport1

U Francyi mohuć zabłakavać Bluesky i Reddit, a Makron uvohule za zabaronu sacsietak dla dziaciej4

Handlovym sietkam buduć davać ilhotnyja kredyty dla pieradapłaty za aharodninu2

Namieśnik dyrektara Vialikaha teatra Biełarusi — padpałkoŭnik milicyi3

bolš čytanych navin
bolš łajkanych navin

Łukašenka patłumačyŭ, čamu jaho nie vidać pa sieradach i subotach18

Łukašenka patłumačyŭ, čamu jaho nie vidać pa sieradach i subotach

Hałoŭnaje
Usie naviny →

Zaŭvaha:

 

 

 

 

Zakryć Paviedamić