Dla Źmitra i Nasty Daškievičaŭ prakuror zaprasiŭ pa 1,5 hoda źniavoleńnia
11 lipienia ŭ sudzie Maskoŭskaha rajona Minska adbylisia sprečki bakoŭ pa kryminalnaj spravie suprać Daškievičaŭ. Ich sudziać za ŭdzieł u pratesnym maršy ŭ žniŭni 2020 hoda. Prakuror zaprasiŭ dla Źmitra i Nasty pa 1,5 hady kałonii abodvum, piša «Viasna».
Im inkryminujuć č. 1 art. 342 Kryminalnaha kodeksa (udzieł u dziejańniach, jakija hruba parušajuć hramadski paradak).
Prysud budzie vyniesieny 14 lipienia. Spravu razhladaje sudździa Taćciana Pirožnikava.
15 červienia Nasta naradziła syna Daniiła, heta čaćviortaje dzicia ŭ siamji Daškievičaŭ. Źmicier znachodzicca ŭ źniavoleńni z 23 sakavika.
Kamientary