Na naradzie ŭ Łukašenki siońnia abmierkavali ŭdaskanaleńnie pracy i raźvićcio Kamiteta dziaržaŭnaj biaśpieki Biełarusi, piša BiełTA.
Łukašenka pryniaŭ z dakładam pa hetym pytańni kiraŭnika Administracyi prezidenta, dziaržsakratara Rady biaśpieki i staršyniu KDB.
«Padyšła čarha nam surjozna pahladzieć na našu asnoŭnuju śpiecsłužbu — KDB. Zrazumieła, što situacyja ŭskładniłasia ŭ śviecie, śpiecsłužby z kožnym hodam nabyvajuć usio bolšaje značeńnie dla dziejnaści toj ci inšaj dziaržavy. Dy ŭžo i našy ludzi ŭbačyli rolu i miesca KDB u struktury siłavych orhanaŭ i biaśpiecy našaj dziaržavy. U apošni čas aktyvizavaŭsia kamitet.
I my zaŭvažyli, što nam treba nie niejkija tam lohkija źmieny Kamiteta dziaržbiaśpieki, ale da tradycyjnych mierapryjemstvaŭ, jakija jany pravodziać, tradycyjnych funkcyj, zadač, jakija jany vyrašajuć, nam treba ŭ adpaviednaści z časam dadavać niejkija inšyja funkcyi. Uzmacniać, moža być, isnujučyja. Ja maju na ŭvazie raźviedku, kontrraźviedku, abaronu kanstytucyjnaha ładu i hetak dalej, antyterarystyčnuju dziejnaść.
Heta ŭ luboj krainie chleb śpiecsłužbaŭ padobnaha rodu. Naturalna, treba ŭzmacniać dziejnaść niekatorych kirunkaŭ. Dzieści, mahčyma, stvarać i novyja. Asabliva ŭ siłu toj infarmacyjnaj biaśpieki, jakaja pavinna być u krainie, i toj hibrydnaj vajny, jakaja razhornutaja nie tolki suprać Biełarusi. Jana pa ŭsim śviecie ŭžo isnuje. Voś tema našaj siońniašniaj razmovy dla taho, kab kančatkova pryniać rašeńnie», — skazaŭ Łukašenka.
Ciapier čytajuć
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary