Recept na vychadnyja. Chałodny sup haspača — toje, što treba ŭ letniuju śpioku
Hety prosty ispanski sup z tamataŭ idealna padychodzić dla haračaha letniaha nadvorja. Dobrym dadatkam da haspača (gazpacho) stanie varanaje jajka. Hety sup možna padavać jak u miskach, tak i ŭ čarkach, nibyta šot dobraha kaktejla.
Fota: BBC Food
Kampanienty možna varjiravać u zaležnaści ad najaŭnaści toj ci inšaj harodniny. Kab zhatavać idealny haspača, vam spatrebicca:
- pałova ačyščanaha ahurka,
- 1 vialiki žoŭty pierac biez nasieńnia,
- 1 vialiki čyrvony pierac biez nasieńnia,
- 6 śpiełych pamidoraŭ,
- dźvie hałoŭki cybuli,
- 3 zubki časnaku,
- 100 hramaŭ čerstvaha biełaha chleba ci bahieta, zamočanaha ŭ chałodnaj vadzie,
- 3 stałovyja łyžki aliŭkavaha aleju,
- paŭtary stałovyja łyžki vinnaha vocatu.
- Narežcie ahurok, pamidory, cybulu i piercy. Adkładzicie trochi harodniny dla ŭpryhožvańnia supu, a bolšuju častku (tolki časnok nie kładzicie!) pieramialicie ŭ kuchonnym kambajnie ci błendary da stanu adnarodnaha piure.
- Dadajcie ŭ sumieś časnok, zamočany chleb, aliŭkavy alej i vocat, znoŭ usio źmiašajcie. Vy možacie rabić sumieś bolš vadkaj ci bolš hustoj, z asobnymi kavałkami harodniny ci biez, na vaš hust.
- Pieralicie sup u pasudzinu, nakryjcie jaho charčovaj plonkaj i astudžvajcie ŭ chaładzilniku nie mienš za 20 chvilin. Haspača smačny chałodny.
- Narežcie nievialikimi kubikami reštki harodniny dla ŭpryhožvańnia stravy. Pierad padačaj raźlicie sup pa miskach ci čarkach i ŭpryhožcie harodninaj.
Recept na vychadnyja. Kleftyka — sakavitaja baranina z hrečaskim kałarytam
Recept nieskładany, ale cikavy. Jaječnia z rysam i harodninaj
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary