Słavuty sabaka Patron, jaki pracuje z ukrainskimi ratavalnikami, dapamahajučy im raźminiravać Čarnihaŭščynu, atrymaŭ Kanskuju premiju Palm Dog Award. Pra heta paviedamiła Dziaržaŭnaja słužba pa nadzvyčajnych situacyjach Ukrainy ŭ Facebook.
«Siońnia ŭ Kanach jamu prysudžanaja premija «Palmavy sabaka» — heta samaja prestyžnaja ŭ śviecie kinapremija, jakoj uznaharodžvajuć čatyrochłapych! A pakolki Patron sapraŭdy staŭ zorkaj suśvietnaj kinachroniki za apošnija paru miesiacaŭ, to žury adnahałosna vyrašyła, što naš Chvastaty Piratechnik hodny «palmavaha» statusu», — havorycca ŭ paviedamleńni.
Dadajuć, što Patron daviedaŭsia pra svoj zorny status dystancyjna. Ale paśla pieramohi, mahčyma, naviedaje Kany.
Va ŭkrainskim Dziaržkino paviedamili, što premiju Palm Dog uručajuć u Kanach lepšamu sabaku, jaki źniaŭsia ŭ filmie — udzielniku kinafiestyvala. Heta štohadovaje nieaficyjnaje šoŭ uznaharod było pačata ŭ 2001 hodzie žurnalistam Tobi Roŭzam.
Patrona ŭznaharodzili adznakaj PalmDogManitarian, jakaja ŭručajecca za suviaź pamiž čałaviectvam i sabakami. A hałoŭnuju ŭznaharodu vyjhraŭ Bryt, sierabrysty pudziel ź filma «Vajenny poni» Džyny Hamieł i Rajli Kiea.
Hladzicie taksama:
Pahladzicie, jak sabaki dapamahajuć ukrainskim vajskoŭcam baranić radzimu VIDEA
Patron — talisman čarnihaŭskich piratechnikaŭ FOTA
-
Čamu chamieleony kruciać vačyma va ŭsie baki? Navukoŭcy rastłumačyli tajamnicu «fatahrafičnaha» pozirku
-
«Nafih vizy. Ja bolš nie budu jeździć u krainy, jakija nie zacikaŭlenyja ŭ turystach nastolki, što zakryvajuć miežy»
-
«Nivodnaja kraina ŭ XXI stahodździ nie zmoža dasiahnuć siaredniaj praciahłaści žyćcia ŭ 100 hadoŭ»
Ciapier čytajuć
Pa ŭłaśniku «Softkłuba» Sirotku, jaki siadzić u SIZA KDB, prylacieła i ad Polščy — na jaho kryptabiržu Bynex nakłali sankcyi2
Kamientary