Papa Francysk: Patryjarch nie pavinien pieratvaracca ŭ słužku Pucina
Upieršyniu kiraŭnik Katalickaj carkvy dazvoliŭ sabie krytyku kiraŭnika Ruskaj pravasłaŭnaj carkvy. «Sorak chvilin havaryŭ z patryjarcham Kiryłam praz Zum. Pieršyja dvaccać jon z papierki čytaŭ mnie apraŭdańni vajny», — z horyčču raskazaŭ papa ŭ intervju italjanskamu vydańniu Corriere della sera.
Ci moža patryjarch Kirył, kiraŭnik Ruskaj pravasłaŭnaj carkvy, być čałaviekam, zdolnym pierakanać Pucina «vyjści z bunkiera», spynicca? Pra heta spytali papu Francyska redaktary italjanskaj haziety Corriere della sera.
Pantyfik pakruciŭ hałavoj i skazaŭ: «Ja sorak chvilin razmaŭlaŭ z Kiryłam praz zoom. Pieršyja dvaccać jon mnie z papierki začytvaŭ abhruntavańni vajny. Ja vysłuchaŭ i skazaŭ jamu: ja ničoha ŭ hetym nie razumieju. Bracie, my nie dziaržaŭnyja śviatary, my nie pavinny vykarystoŭvać movu palityki, my pavinny havaryć movaj Isusa. My pastyry adnaho i taho ž śviatoha naroda Božaha. Tamu my pavinny šukać mirnyja šlachi, dabivacca spynieńnia ahniu. Patryjarch nie pavinien pieratvaracca ŭ słužku Pucina. Ja mieŭ sustrakacca ź im u Ijerusalimie 14 červienia. Heta mieła być naša druhaja sustreča, my zapłanavali jaje jašče da vajny. Ale ciapier jon taksama zhodny: stop, heta moža być nieadnaznačnym sihnałam».
Mnohija vierniki krytykavali Vatykan i papu Francyska za toje, što jany nie asudzili ahresiju Rasii adnaznačna, a źviartajucca ŭ roŭnaj miery da abodvuch bakoŭ kanfliktu.
U intervju «Karjere dela sera» papa zajaviŭ, što nie bačyć sensu naviedvać Kijeŭ, pakul nie pabyvaŭ u Maskvie, a Kreml, u svaju čarhu, nie vykazaŭ žadańnia jaho prymać.
U intervju papa taksama paraŭnoŭvaje vajnu va Ukrainie z hienacydam u Ruandzie ŭ 1994-m.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2424
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki24
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu1010
Kamientary