Pra heta zajaviŭ dyrektar Jeŭrapiejskaha departamienta MVF Marek Belka 26 žniŭnia pa vynikach pieramoŭ va ŭradzie Biełarusi.
Mižnarodny valutny fond nie bačyć nieabchodnaści dla praviadzieńnia čarhovaj devalvacyi biełaruskaha rubla «ŭ ahladnaj budučyni». Pra heta zajaviŭ dyrektar Jeŭrapiejskaha departamienta MVF Marek Belka 26 žniŭnia pa vynikach pieramoŭ va ŭradzie Biełarusi.
Pavodle słoŭ kiraŭnika departamienta, ciapierašni režym kursaŭtvareńnia źjaŭlajecca pravilnym — jon zabiaśpiečvaje stabilnaść i ŭ toj ža čas daje «peŭnuju abmiežavanuju nieabchodnuju hnutkaść kursaŭtvareńnia».
«Heta značyć, što my nie abmiarkoŭvali i nie rekamiendavali źmianiać ciapierašni režym kursaŭtvareńnia, — padkreśliŭ Belka. — Naadvarot, usia prahrama ekanamičnaj palityki, jakuju my padtrymlivajem, aryjentavana na toje, kab umacavać sistemu i stabilnaść vašaj valuty».
«Tamu kali havaryć vielmi prama, to devalvacyi nie budzie. Va ŭsiakim razie, u ahladnaj budučyni», — zajaviŭ pradstaŭnik MVF.
Adznačyŭšy, što ŭ miežach siońniašniaj sistemy kurs biełaruskaha rubla vahajecca ŭ miežach ustanoŭlenaha kalidoru košyka valut, jon skazaŭ: «Heta pravilnaja sistema, i my pracujem nad umacavańniem hetaj sistemy».
Da «Dnia narodnaha adzinstva» pamiłavali 25 čałaviek4
Kamientary