Na hranicy z Polščaj i Litvoj viarnulisia vielizarnyja čerhi ź lehkavikoŭ. Kolki času zajmaje pierasiačeńnie miažy?
Pakul tysiačy fur zastajucca ŭ čerhach na vyjezd ź Litvy ŭ Biełaruś, na miažy ź ES pačali ŭtvaracca taksama vialikija čerhi ź lehkavych aŭto. Takoha patoku nie było z časoŭ uviadzieńnia kavidnych abmiežavańniaŭ.
Pa stanie na 10 ranicy 19 krasavika, u čarzie na vyjezd ź Biełarusi ŭ Polšču na pahraničnym pierachodzie «Bierastavica-Babroŭniki» sabrałasia bolš za 200 lehkavych aŭto. Anałahičnaja situacyja nazirajecca z druhoj pałovy dnia paniadziełka.
Biełarusy, jakija žyvuć u Biełastoku, taksama adznačajuć, što apošnim časam u horadzie značna pabolšała aŭto na biełaruskich numarach. Ich najbolšaja kancentracyja nazirajecca pobač z rynkami i handlovymi centrami.
Vierahodna, što vielizarnyja čerhi na «Bierastavicy» źbirajucca, bo pahraničny pierachod «Bruzhi-Kuźnica» dahetul zastajecca zakrytym pa inicyjatyvie polskaha boku. Zakryćcie pahranpierachodu było reakcyjaj na sprobu mihrantaŭ šturmavać miažu.
Z polskaha boku taksama źbirajucca vialikija čerhi. U 12 hadzin paniadziełka čarha na vyjezd z Polščy ŭ Biełaruś raściahnułasia na 1,5 kiłamietra. Ludzi ŭ čatach pišuć, što ŭ niadzielu i paniadziełak pravodzili na miažy pa 14-18 hadzin, kab viarnucca ŭ Biełaruś.
«Staim užo čatyry hadziny na vyjezd z Polščy i navat da šłahbauma nie dajechali», — pisali ŭ čacie ŭčora kala 18 hadzin.
U čerhach staić šmat aŭto z polskaj rehistracyjaj.
Pa stanie na ranicu 19 krasavika, na pierachodzie «Brest-Ciarespal» u čarzie na vyjezd staić bolš za sto lehkavych aŭto. Na hetym pierachodzie heta ŭžo nie pieršy vypadak, kali paśla źniacca kavidnych abmiežavańniaŭ dźviuma krainami źbirajecca vializnaja čarha na vyjezd ź Biełarusi.
A voś na biełaruska-litoŭskaj miažy čerhi ź lehkavych aŭto ŭ bok Litvy pačali źjaŭlacca tolki z paniadziełka — praz dva dni paśla taho, jak Biełaruś časova ŭviała biaźvizavy ŭjezd dla hramadzian Łatvii i Litvy. Najbolšyja čerhi nazirajucca ŭ punktach propusku «Kamienny Łoh» i «Bieniakoni».
U pikavyja hadziny tam na vyjezd ź Biełarusi ŭ Litvu čakajuć bolš za 70 lehkavikoŭ.
Na miažy z Łatvijaj čerhaŭ niama.
Čytajcie taksama:
«Biez asablivaj ryzyki možna atrymać kala 100 dalaraŭ». Kolki ciapier zarablajuć na pieravozcy paliva i cyharet u Polšču i Litvu
Litva prapuścić hruzaviki biełaruskich pieravozčykaŭ, kali jany stanuć na vyjezd da poŭnačy 16 krasavika. U ES zachraśli tysiačy fur
-
«Basiejny zakrytyja, na plažy rekamiendujuć nie chadzić». Što kažuć turysty ŭ AAE i Katary
-
Statkievič zaklikaŭ jeŭrapiejcaŭ stvaryć i ŭzbroić Biełaruski dobraachvotnicki korpus
-
«Usiu spravu žyćcia — usio razburyli». Što viadoma pra spravu vydańnia «Inteks-Pres», redaktary jakoha atrymali vialikija turemnyja terminy
Ciapier čytajuć
«Vy pryjšli siudy łochami, a staniecie drapiežnikami». Jak pracujuć minskija koł-centry skamieraŭ5
Kamientary