Litva prapuścić hruzaviki biełaruskich pieravozčykaŭ, kali jany stanuć na vyjezd da poŭnačy 16 krasavika. U ES zachraśli tysiačy fur
Z 16 krasavika ES uvodzić zabaronu na prajezd i tranzit pa jaho terytoryi mašyn pieravozčykaŭ ź Biełarusi i Rasii. U pres-słužbie litoŭskaj mytni rastłumačyli, pry jakich umovach rasijskija i biełaruskija hruzaviki zmohuć pakinuć krainu z ulikam uviedzienaj raniej zabarony, piša reform.by.
Zhodna z apublikavanym tłumačeńniem, transpartnyja srodki z hruzam, jakija stali ŭ čarhu na vyjezd da 24:00 16 krasavika, zmohuć pierasiekčy miažu. Parožnija transpartnyja srodki biez hruzu zmohuć bieśpieraškodna pierasiakać hranicu Litvy z Rasijaj i Biełaruśsiu.
Transpartnyja srodki, jakija prybyli ŭ čarhu paśla 24:00 16 krasavika praź miažu nie prapuściać ‒ ich nakirujuć u bližejšyja łahistyčnyja centry abo terminały dla taho, kab pieravozčyk moh pryniać miery pa vypraŭleńni situacyi ‒ razhruzić tavar, pieradać jaho pieravozčyku, jaki nie trapiŭ pad sankcyi i hetak dalej.
Niekalki tysiač rasijskich i biełaruskich hruzavych pieravozčykaŭ stajać na miažy Polščy, sprabujučy vyjechać ź Jeŭrasajuza da taho, jak nabuduć moc sankcyi, jakija zabaraniajuć im znachodzicca na terytoryi ES, paviedamlaje «Kommiersant'» sa spasyłkaj na Financial Times. Čerhi taksama ŭtvarylisia na pamiežnych pierachodach u Litvie i Łatvii.
FT piša, što na vyjezd hruzavikoŭ ź JEZ sychodzić ad 3 da 10 dzion. Čarha na vyjezd na ŭschodzie Polščy da ŭčarašniaha dnia pieravysiła 40 km. Kiraŭnik polskaha Abjadnańnia mižnarodnych aŭtamabilnych pieravozčykaŭ Jan Bučak zajaviŭ, što čarha na punkcie propusku «Karoščyn» na miažy ź Biełaruśsiu dasiahaje 80 km.
Starejšy vykanaŭčy dyrektar kampanii Gurtam Alaksandr Kuŭšynaŭ śćviardžaje, što ŭ ES znachodziacca kala 10 tys. rasijskich i biełaruskich hruzavikoŭ. Jašče adna krynica FT zajaviła ab niekalkich tysiačach hruzavikoŭ, što zachraśli ŭ Jeŭropie.
Zabarona na hruzapieravozki ŭvajšła ŭ piaty pakiet sankcyj ES, pryniatych u krasaviku. Abmiežavańni ŭviedzieny ŭ adkaz na rasijskuju vajennuju apieracyju va Ukrainie. Zabarona nie raspaŭsiudžvajecca na firmy, jakija pieravoziać poštu, a taksama na pastaŭki ŭ ES pryrodnaha hazu i nafty, rudy, farmaceŭtyčnych, miedycynskich, sielskahaspadarčych i charčovych praduktaŭ, u tym liku pšanicu i ŭhnajeńni, humanitarnyja hruzy.
Biełaruskija transpartniki raźličvajuć uzbahacicca na fonie jeŭrapiejskich sankcyj suprać pieravozčykaŭ, i heta mahčyma. Tłumačym niuansy
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA104
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary