Pamior paet i litaraturaznaŭca Alaksandr Barščeŭski (Aleś Barski)
Na 92-m hodzie žyćcia pamior biełaruski paet i litaraturaznaŭca Alaksandr Barščeŭski (Aleś Barski), paviedamlaje «Radyjo Racyja». Jon byŭ adnym z najbolš viadomych biełaruskich dziejačaŭ u Polščy, spryjaŭ zachavańniu tam biełaruskaści ciaham dziasiatkaŭ hadoŭ.
Alaksandr Barščeŭski naradziŭsia 2 listapada 1930 hoda ŭ vioscy Bandary, što ŭ hminie Michałova.
Skončyŭ Łodzinski ŭniviersitet u 1955 hodzie. 3 1956 hoda — vykładčyk Varšaŭskaha ŭniviersiteta. U 1966 abaraniŭ u Varšaŭskim univiersitecie kandydackuju dysiertacyju na temu «Tvorčaść Jakuba Kołasa 1906—1930 hadoŭ»; zahadčyk kafiedry biełaruskaj fiłałohii hetaha ŭniviersiteta z 1975 hoda. Uznačalvaŭ Biełaruskaje litaraturnaje abjadnańnie «Biełavieža» pry Hałoŭnym praŭleńni Biełaruskaha hramadska-kulturnaha tavarystva.
U 1975—2004 hadach Barščeŭski ŭznačalvaŭ adździaleńnie biełaruskich daśledavańniaŭ pry Varšaŭskim univiersitecie. Supracoŭničaŭ ź Lublinskim katalickim univiersitetam i Univiersitetam Maryi Składoŭskaj-Kiury. U 1993 hodzie atrymaŭ zvańnie hanarovaha doktara BDU ŭ Minsku. Z 1993 hoda byŭ staršynioj Centralnaha kamiteta Alimpijady pa biełaruskaj movie ŭ Polščy.
Drukavaŭsia z 1956 hoda, aŭtar mnohich paetyčnych zbornikaŭ. Taksama apublikavaŭ šmat artykułaŭ pa historyi biełaruskaj litaratury (u štotydnioviku «Niva» i «Biełaruskim kalendary»), aŭtar cykła artykułaŭ «Biełaruskaja litaratura i biełaruski falkłor» (1965—1988), univiersiteckich padručnikaŭ, šmatlikich inšych navukovych prac.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim10
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary