Ci zabłakujuć Jutub u Biełarusi? Voś što pra heta kazali na naradzie ŭ Łukašenki
Łukašenka siońnia pravioŭ naradu pa pytańniach dziejnaści ŚMI ŭ Biełarusi
Jon zajaviŭ, što aficyjnyja Minsk i Maskvu demanizujuć pierad astatnim śvietam, pieraploŭvajučy Šarpa (aŭtar knih pra baraćbu z aŭtarytarnymi režymami) i Hiebielsa, a «na ludziej ź interneta ljucca patoki samaj nachabnaj i dzikaj chłuśni».
«Zabytyja ŭsie prystojnaści. Pra normy žurnalistyki, prafiesijnuju adkaznaść naohuł nichto nie ŭspaminaje. Heta paŭnamaštabnaja infarmacyjnaja vajna — za rozumy našych ludziej, za budučyniu dziaciej. My prajhrać hetuju vajnu nie možam. My i nie pavinny jaje prajhrać, kali nie dapuścim hłabalnych pamyłak».
Łukašenka taksama zadaŭsia pytańniem, ci varta błakavać Jutub i sacyjalnyja sietki ŭ Biełarusi
«Viadoma, zabłakavać viadučyja placoŭki — YouTube, niekatoryja sacyjalnyja sietki, — jak heta zrabili ŭ Rasii, abo pastavić «Załaty ščyt», jak u Kitai, tearetyčna, mahčyma. U luby čas. Ale ja vas zaklikaju da taho, što, pierš čym zrabić niejki krok, davajcie ŭzvažym za i suprać, što my atrymajem ad hetaha. Kali tam, i ŭsio, što tam robicca, na škodu i ŭ pierśpiektyvie jašče bolšaja budzie škoda, tady prymajcie rašeńnie. Kali pakul da hetaha nie dajšło, davajcie pačakajem, davajcie nie budziem śpiašacca», — skazaŭ jon.
Łukašenka dadaŭ, što pry pryniaćci rašeńniaŭ zaŭsiody treba dziejničać akuratna, kab potym nie chapacca za hałavu. «Treba prymać uzvažanyja rašeńni. Raźvivać svaje resursy. A my ŭmiejem heta rabić. Dumaju, raźvivać treba svaje resursy, u tym liku razam i z rasijanami».
Ciapier čytajuć
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki7
Kamientary