Karpienka patłumačyŭ, čamu nie apublikavali proźviščy členaŭ kamisij. Jość novyja šmatabiacalnyja viersii
Staršynia Centralnaj kamisii Respubliki Biełaruś pa vybarach i praviadzieńni respublikanskich refierendumaŭ Ihar Karpienka ŭ efiry «Biełaruś-1» patłumačyŭ, čamu nie apublikavanyja imiony členaŭ učastkovych kamisij.
Karpienka pryznaŭ, što siońnia CVK krytykujuć, što nie byli apublikavanyja proźviščy členaŭ učastkovych kamisij.
«Ale nakolki nieabchodna voś hetyja danyja siońnia vystaŭlać,
kali ŭ Respublicy Biełaruś ustupiŭ u siłu zakon ab piersanalnych danych, ab abaronie piersanalnych danych? I jon užo ŭ peŭnaj stupieni dyktuje peŭnyja svaje patrabavańni pa ŭniasieńni źmianieńniaŭ i dapaŭnieńniaŭ u vybarčaje zakanadaŭstva»,
‒ zrabiŭ niečakanuju vysnovu Karpienka.
Na jahonuju dumku, u ramkach pracy nad vybarčym zakanadaŭstvam daviadziecca «ŭličvać roznyja takija niuansy, jakija dazvolać nam zbałansavać i tyja zakony, jakija prymalisia raniej».
To-bok imiony členaŭ vybarčych kamisij, na dumku Karpienka, tearetyčna padpadajuć pad dziejańnie zakona ab piersanalnych danych, prosta pakul vybarčaje zakanadaŭstva nie adbałansavana.
Plus da hetaha «išli pahrozy ŭ adras učastkovych kamisij».
«Skažu bolš, navat niekatorym členam CVK prychodzili listy z pahrozami i ź niekatorymi napaminami ab adkaznaści i h. d. Byli da nas i zvaroty radavych hramadzian nie drukavać ich piersanalnyja danyja. Tamu było pryniata heta ŭzvažanaje rašeńnie, ale jano nijakim čynam nie adbivajecca na pravie hramadzian svabodna prymać udzieł u refierendumie i vykazvać svaju pazicyju», ‒ upeŭnieny Karpienka.
Ci nie adabjecca ananimnaść členaŭ učastkovych kamisij, jakija z-za kavidu buduć jašče i ŭ maskach, na samich vynikach refierendumu, Karpienka nie ŭdakładniŭ.
«Siońnia niama takoj nieabchodnaści na terytoryi, dapuścim, Viciebskaj vobłaści, viedać, chto tam uvachodzić u skład kamisii ŭ horadzie Minsku i h.d», ‒ miarkuje staršynia CVK.
Kali ž u kaho takaja nieabchodnaść paŭstanie, Karpienka raić źviartacca ŭ CVK.
«My raźbiaromsia z hetym pytańniem», ‒ abiacaje jon.
Pajšoŭ rehistravacca naziralnikam na refierendumie i… źnik
Pasłuchajcie, jak členaŭ kamisii ŭhavorvajuć padpisać lipavy pratakoł. Heta psichałahičnaja drama AŬDYJA
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod32
Kamientary