Łukašenka raskazaŭ pra asnoŭnuju metu biełaruska-rasijskich vučeńniaŭ
Adpaviednyja zajavy jon zrabiŭ siońnia na sustrečy ź ministram abarony Rasijskaj Fiederacyi Siarhiejem Šajhu, piša BiełTA.
«My pravodzim vučeńni. My z vami ŭ tym liku damaŭlalisia ab tym, što abiarem čas dla praviadzieńnia hetych vučeńniaŭ, kab i narodnaj haspadarcy, sielskaj haspadarcy nie pieraškadžać. I praviadziom bujnyja vučeńni na poŭdni Biełarusi. Z prezidentam (Rasii) dvojčy abmiarkoŭvali hetuju temu. Uvieś čas udaskanalvali zadumy. Dziakuj, što vy arhanizavali hetyja vučeńni. Nam zusim niašmat zastałosia času pa pieradysłakacyi vojskaŭ z Rasijskaj Fiederacyi. U nas tut prablem absalutna niama. Usio, što spłanavana z našaha boku, faktyčna realizavana. Dumaju, što dzieści z 10 lutaha my pačniem aktyŭnuju fazu hetych mierapryjemstvaŭ», — adznačyŭ Łukašenka.
«Kab tut hvałtam nie kryčali, jasna, što paśla vašaha pryjezdu ŭ Biełaruś jašče bolš pačniecca vyćcia tam (ale heta ich prablemy), ja chaču skazać, jakuju my asnoŭnuju metu pieraśledujem na hetych vučeńniach.
Usie zaŭvažyli, što my niamała techniki pieradysłakujem z Rasii ŭ Biełaruś, u tym liku i sučasnaj. Jak my i damaŭlalisia i z vami, i z prezidentam Rasii, dla nas vielmi važna, kab našy vajennyja ludzi nie prosta ŭbačyli hetuju techniku na karcincy, ale i, što nazyvajecca, pamacali. Kab razam z rasijanami, bratami svaimi, padvučylisia karystacca hetaj technikaj. Dla nas heta vielmi važna, bo praktyčna ŭsia technika, jakaja budzie tut, my płanujem zakuplać u vas u hetym, nastupnym hodzie i hetak dalej. Heta dla nas vielmi važna. I nie tolki dla nas. Heta dla našaj Sajuznaj dziaržavy krytyčna važna siońnia ŭ suviazi z tym, jak siabie pavodziać i NATA, i Ukraina, jakaja imkniecca tudy. Tamu my chočam navučycca», — zajaviŭ Alaksandr Łukašenka.
Jon taksama adznačyŭ, što sumiesna z Rasijaj stvarajucca centry, u jakich navučajuć karystańniu najnoŭšymi ŭzorami rasijskich uzbrajeńniaŭ. «Heta maja była prośba da vas, kab my stvaryli tut centry pa najnoŭšaj zbroi. Dziakuj, vy adhuknulisia na heta», — skazaŭ jon.
Ciapier čytajuć
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie6
Kamientary