Nino Čeruci byŭ 91 hod, jon byŭ zasnavalnikam adnaho z samych papularnych damoŭ italjanskaj mody «Cerruti 1881». Kuciurje pamior u balnicy horada Vierčeli ŭ Pjemoncie, dzie jamu pavinny byli zrabić apieracyju na ściahnie.
Svoj pieršy bucik jon adkryŭ u Paryžy ŭ 1967 hodzie. Ale ŭ jahonaj siamji była tryvałaja tradycyja vytvorčaści tkanin na ŭłasnaj manufaktury: tkackuju fabryku ŭ horadzie Bijeła zasnavaŭ u 1881 hodzie jašče jahony dzied. Ad hoda jaje zasnavańnia pajšła nazva firmy — «Cerruti 1881».
Jak adznačaje «Frans Pres», jahonaje rašeńnie vyrablać dla mužčyn i žančyn vopratku adnolkavych madelaŭ zrabiła revalucyjny efiekt u industryi mody.
Čeruci nastojvaŭ, što pavinien pieršym apraboŭvać svaje madeli adzieńnia. «Ja zaŭsiody rabiŭ vopratku tolki dla adnaho čałavieka — mianie samoha», — niejak skazaŭ jon.
Pad kiraŭnictvam Čeruci svaju karjeru pačynali mnohija karyfiei mody, uklučajučy Džordžya Armani. Madeljer byŭ aficyjnym dyzajnieram kamandy «Ferrari» ŭ honkach «Formula 1», jahonuju vopratku nasili mnohija halivudskija akciory, u tym liku Džek Nikałsan, Majkł Duhłas, Šaron Stoŭn, Džulija Robierts i Tom Chenks.
Delehatka KR Karpušonak paśla maŭčańnia apublikavała videa31
Delehatka KR Karpušonak paśla maŭčańnia apublikavała videa
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1616
Kamientary