«Vykarystajem inšyja srodki». Rasija prapanuje NATA «źbirać manatki»
Rasija pry adsutnaści damoŭlenaściaŭ pa harantyjach biaśpieki moža źviarnucca da inšych srodkaŭ dla zabieśpiačeńnia bałansu sił i «zastrašvańnia apanientaŭ», zajaviŭ u intervju TASS namieśnik ministra zamiežnych spraŭ Rasii Siarhiej Rabkoŭ.
«My budziem vymušanyja pry adsutnaści nieabchodnych i terminovych damoŭlenaściaŭ pa pravavych harantyjach vykarystać inšyja srodki dla zabieśpiačeńnia patrebnaha bałansu, kali chočacie, dla zastrašvańnia apanienta — nie ŭ płanie stvareńnia niejkich pahroz, a ŭ płanie strymlivańnia», — skazaŭ jon.
NATA bolš nie zmoža «adciskać» Rasiju, takoje stanovišča — u minułym, zajaviŭ Siarhiej Rabkoŭ.
Na dumku dypłamata, u situacyi, kali NATA ciaham apošnich dziesiacihodździaŭ sprabuje «adcisnuć» Maskvu i pieramiaścić jaje na druhija roli ŭ mižnarodnaj palitycy, vyłučać u jaje bok niejkija patrabavańni ab sastupkach niedapuščalna.
«Bolš nie atrymajecca. Heta ŭsio ŭ minułym. I raniej nie vielmi atrymlivałasia, a ciapier hetamu prosta pakładzieny kaniec <…> Tak što NATA treba źbirać manatki i adpraŭlacca na rubiažy 1997 hoda», — raspavioŭ Rabkoŭ.
Nahadajem, apošnim časam Rasija patrabuje ad zachodnich krain dasiahnieńnia «damoŭlenaściej pa harantyjach biaśpieki». Heta adbyvajecca na fonie vialikaj kancentracyi rasijskich vojskaŭ na miažy z Ukrainaj, a taksama pieramovaŭ Pucina z Bajdenam. Siarod asnoŭnych patrabavańniaŭ Rasii — viartańnie ŭ mižnarodnyja adnosiny śfier upłyvu, harantyi nieŭklučeńnia Ukrainy ŭ skład NATA, vyvad zbroi z terytoryi uschodnich členaŭ aljansu.
Kamientary