ZŠA płanujuć vystavić abvinavačvańnie Raulu Kastra pa spravie 30‑hadovaj daŭniny
Razmova idzie pra incydent 1996 hoda, kali kubinskija vajskoŭcy źbili samaloty humanitarnaj arhanizacyi.
ZŠA płanujuć vystavić abvinavačańnie byłomu kubinskamu lidaru Raulu Kastra, paviedamlaje Reuters sa spasyłkaj na pradstaŭnika Ministerstva justycyi ZŠA.
Pavodle słoŭ surazmoŭcy ahienctva, terminy mahčymaha vystaŭleńnia abvinavačańnia pakul nie vyznačanyja. Pry hetym čynoŭnik adznačyŭ, što rašeńnie moža być pryniata ŭžo najbližejšym časam.
Čakajecca, što sprava suprać 94‑hadovaha Kastra, brata byłoha kubinskaha lidara Fidela Kastra, budzie źviazanaja sa źbitymi samalotami, paviedamiŭ pradstaŭnik Miniusta na ŭmovach ananimnaści.
Razmova idzie pra incydent 1996 hoda, kali kubinskija vajskoŭcy źbili samaloty humanitarnaj arhanizacyi Brothers to the Rescue. Tady zahinuli ludzi, jakija znachodzilisia na borcie.
U Ministerstvie zamiežnych spraŭ Kuby nie adkazali na zapyt ahienctva, pradstaŭnik Miniusta ZŠA taksama nie daŭ kamientaroŭ.
Pavodle danych Reuters, prakuratura ZŠA pa Paŭdniovaj akruzie Fłarydy vyvučaje mahčymaść pradjaŭleńnia kryminalnych abvinavačańniaŭ vysokapastaŭlenym kubinskim čynoŭnikam.
Ahienctva adznačaje, što hety krok adbyvajecca na fonie ŭzmacnieńnia cisku administracyi prezidenta Trampa na Kubu. Vašynhton krytykuje dziejny kamunistyčny ŭrad i damahajecca jaho źmieny.
Kamientary