Niamiecki palityk: «Miakkaja reakcyja budzie ŭspryniataja Pucinym jak słabaść»
Niamiecki palityk Krystaf Hojshien, jaki na praciahu mnohich hadoŭ byŭ daradcam eks-kanclerki Hiermanii Anhieły Mierkiel pa źniešniaj palitycy, u intervju vydavieckamu abjadnańniu RedaktionsNetzwerk Deutschland (RND) abvinavaciŭ prezidenta Rasii Uładzimira Pucina va ŭsłaŭleńni stalinskaha režymu. Taksama jon pieraściaroh ad dalejšaha «ekspansijanizmu» z boku Maskvy.
Pa słovach Hojshiena, «Pucin žyvie ŭ śviecie ŭłasnaj nastalhii, dzie mižnarodnaje prava nie maje nijakaj roli», a taksama «ŭsłaŭlaje Saviecki Sajuz i navat režym Stalina». Prezident Rasii, pierakanany niamiecki palityk, «imkniecca da adnaŭleńnia Rasijskaj impieryi, jakaja nahadvaje Saviecki Sajuz».
Kab hetamu supraćstajać, Bierlin, Brusiel i Vašynhton dakładna musiać vyznačyć svaje pazicyi ŭ dačynieńni da Maskvy.
«Miakkaja reakcyja budzie vytłumačanaja Pucinym jak słabaść i tolki budzie padachvočvać jaho ekspansijanisckija žadańni», — adznačaje Hojshien.
I ličyć, što Hiermanija i Jeŭropa pavinny vystupać na mižnarodnaj arenie bolš aktyŭna, bo ZŠA ciapier nadta zaniatyja ŭnutranaj palitykaj.
66-hadovy Krystaf Hojshien nieŭzabavie zojmie pasadu kiraŭnika Miunchienskaj kanfierencyi pa biaśpiecy. Heta štohadovaja prestyžnaja kanfierencyja, jakaja pravodzicca z 1962 hoda i ŭ jakoj udzielničajuć viadučyja palityčnyja i vajennyja lidary suśvietnych dziaržaŭ, palitołahi i pradstaŭniki ŚMI. Mienavita na joj Pucin u 2007 hodzie vystupiŭ z t. zv. Miunchienskaj pramovaj, jakuju mnohija palitołahi aceńvajuć jak simvaličny pačatak novaj chałodnaj vajny.
Ciapier čytajuć
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary