Za hod kolkaść zapytaŭ Hienprakuratury ab mižnarodnaj pravavoj dapamozie vyrasła amal u dva razy
U 2020 hodzie Hienieralnaja prakuratura nakiravała krainam SND bolš za 4800 zvarotaŭ ab akazańni pravavoj dapamohi. Za hod da taho takich zvarotaŭ było kala 2700. A jak časta z takimi prośbami źviartajucca da samoj Biełarusi? U 2020-m było ŭsiaho 45 zapytaŭ.
Hienprakuratura taksama maje prava ad imia dziaržavy źviartacca da zamiežnych partnioraŭ z prośbaj vydać hramadzian, jakija, pa mierkavańni biełaruskich siłavikoŭ, parušyli zakon. U 2020-m hodzie takich zapytaŭ było 220, u 2019 — 230, u 2018 — 240 (havorka pra ŭzajemadziejańnie z krainami SND, čaściej za ŭsio zapyty pastupajuć u Rasiju).
U 2020-m i 2021-m hadach istotna pavialičyłasia kolkaść zapytaŭ Hienprakuratury praź interpał. Ličby viedamstva nie pradastaŭlaje, adnak chakiery apublikavali ŭ siecivie razmovy pradstaŭnikoŭ prakuratury i biełaruskaha biuro interpał, ź jakich vynikaje, što nakiravana pad tysiaču zapytaŭ z adnatypnaj fabułaj: abvinavačvańni pa spravach, źviazanych z palityčnaj pazicyjaj hramadzian.
«Vy chacieli, kab tam adny durni pracavali?» Jak biełaruskija siłaviki sprabujuć padmanuć Interpał
Tak, na adnym z zapisaŭ, jak śćviardžajecca, razmaŭlajuć načalnik mižnarodna-pravavoha ŭpraŭleńnia Hienprakuratury Aleh Chłyščanka i pradstaŭnik biuro interpała ŭ Biełarusi Alaksandr Piatran.
Pradstaŭnik prakuratury cikavicca, ci nakiravali ŭ interpał materyjały na Dyleŭskaha (havorka idzie pra lidara strajkama MTZ Siarhieja Dyleŭskaha). Na što Piatran adkazvaje, što interpał admaŭlaje: «Jany dakumient dasłali, kab my zakančvali im voś heta voś chieračyć z adnatypnaj fabułaj», zapyty iduć «z adnatypnaj fabułaj» (pa palityčnych spravach siłaviki časta ničoha novaha nie vydumvajuć, a prosta kapirujuć farmuloŭki z adnoj spravy ŭ druhuju). Piatran kaža, što z takimi zapytami budzie «čałaviek, napeŭna, tysiača», a ŭ ich i tak prablema, što interpał admaŭlaje ŭ vyšuku.
«Adno pytańnie, kali pašle interpał nas z vami, a inšaja sprava kali naša dziaržava nas pašle, — kaža na toje pradstaŭnik Hienprakuratury, a nakont reakcyi interpała ŭdakładniaje. — Mnie ich hnieŭ da adnaho miesca».
U statucie interpała prapisana, što arhanizacyi kateharyčna zabaroniena ažyćciaŭlać luboje ŭmiašalnictva ci dziejnaść palityčnaha, vajskovaha, relihijnaha abo rasavaha charaktaru (art. 3 Statuta). To-bok pravaachoŭniki nie majuć prava abviaščać u vyšuk ludziej pa palityčna matyvavanych spravach. Što robiać biełaruskija siłaviki? Zapaŭniajuć dakumienty, jak pry zvyčajnym kryminalnym złačynstvie, nie ŭkazvajučy palityčny składnik spravy.
12 vieraśnia ŭ Polščy zatrymali biełarusa Makaryja Małachoŭskaha, jaki źbieh ź Biełarusi, aścierahajučysia kryminalnaha pieraśledu. U Minsku na jaho zaviali spravu za najezd na supracoŭnika DAI i abviaścili ŭ mižnarodny vyšuk. Kali polskaj palicyi stali viadomyja padrabiaznaści, chłopca adpuścili ŭ toj ža dzień. Paźniej stała viadoma, što interpał vyklučyŭ jaho z bazy vyšuku.
Taksama interpał admoviŭsia ŭklučać u vyšuk Śviatłanu Cichanoŭskuju, pryčyna ŭsio taja ž — arhanizacyja nie padtrymlivaje pieraśled praz palityčnuju pazicyju.
U Interpała novy kiraŭnik z AAE, u piaci krainach jaho abvinavačvajuć u katavańniach
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii
Kamientary