Litaraturnuju premiju imia Ježy Hiedrojcia atrymała kniha «Pa što idzieš, voŭča?» Jevy Viežnaviec
Siońnia adbyłosia ŭručeńnie premii imia Ježy Hiedrojcia za najlepšuju knihu pa-biełarusku, vydadzienuju ŭ 2020 hodzie. Upieršyniu pieršaje miesca atrymała žančyna.
Pieršaje miesca zavajavała Jevy Viežnaviec (psieŭdanim žurnalistki Śviatłany Kurs) za knihu «Pa što idzieš, voŭča?»
Druhoje miesca ŭ Tani Skarynkinaj za knihu «Rajcentr». Druhoje miesca — heta tvorčaja stypiendyja na miesiac na šviedskim vostravie Hotłand.
Treciaje miesca atrymaŭ Siarhiej Abłamiejka za knihu «Kalinoŭski i palityčnaje naradžeńnie Biełarusi».
Ałkahalička viartajecca ź Niamieččyny na pachavańnie babuli-varažbitki — a tam cieni minułaha. Piśmieńnica Jeva Viežnaviec raskazvaje pra svaju novuju knihu
***
Cyrymonija ŭručeńnia prajšła sioleta ŭ Varšavie, u Kałonnaj zalu Univiersiteta i tranślavałasia anłajn.
U karotki śpis 10-ha jubilejnaha siezonu premii imia Ježy Hiedrojcia ŭvajšli šeść knih:
Siarhiej Abłamiejka. Kalinoŭski i palityčnaje naradžeńnie Biełarusi. Minsk, Radyjo Svabodnaja Eŭropa / Radyjo Svaboda, 2020
Jeva Viežnaviec. Pa što idzieš, voŭča? Minsk, Pflaŭmbaŭm/Vydaviec Raman Cymbieraŭ, 2020
Siarhiej Kalenda. Akvaryum. Historyja adnaho junactva. Minsk, Łohvinaŭ, 2020
Artur Klinaŭ. Łokisaŭ. Vilnia, Łohvinaŭ, 2020
Tania Skarynkina. Rajcentr. Minsk, Pflaŭmbaŭm/Vydaviec Raman Cymbieraŭ, 2020
Andrej Fiedarenka. Žeton na mietro. Minsk, Mastackaja litaratura, 2020.
Sioleta ŭ žury byli: Nasta Hryščuk, litaraturny krytyk; Siarhiej Dubaviec, žurnalist, litaratar, krytyk; Maksim Žbankoŭ, kulturołah, krytyk, eseist; Anžeła Mielnikava, litaraturaznaŭca, doktar fiłałahičnych navuk, prafiesar; Aleś Paškievič, litaratar, litaraturaznaŭca.
***
Premija imia Ježy Hiedrojcia ŭručajecca z 2012 hoda za najlepšuju knihu ŭ žanry mastackaj i dakumientalnaj prozy i maje status hałoŭnaj niezaležnaj litaraturnaj uznaharody Biełarusi.
Papiarednija pieramožcy premii: Pavał Kaściukievič «Zbornaja RB pa niehałoŭnych vidach sportu» (2012), Uładzimir Niaklajeŭ «Aŭtamat z haziroŭkaj ź siropam i biez» (2013), Ihar Babkoŭ «Chvilinka: Try historyi» (2014), Viktar Kaźko «Čas źbirać kości» (2015), Maks Ščur «Zaviaršyć hieštalt» (2016), Źmicier Bartosik «Byŭ u pana vierabiejka havaruščy» (2017), Uładzimir Arłoŭ «Tancy nad horadam» (2018), Illa Sin «Libido» (2019), Siarhiej Dubaviec «Tantamareski» (2020).
Arhanizatarami premii źjaŭlajucca likvidavanyja biełaruskimi ŭładami Biełaruski PEN-centr i Sajuz biełaruskich piśmieńnikaŭ, pry padtrymcy Pasolstva Respubliki Polšča i Polskaha Instytuta ŭ Minsku.
«Ja zrazumieła, što mahu vymyć lubuju dupu». Piśmieńnica Śviatłana Kurs na čas pandemii pajšła pracavać sacrabotnicaj
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary