Dziesiać čałaviek zahinuli ŭ vyniku stralby ŭ škole na zachadzie Kanady, 27 atrymali ranieńni
Vosiem čałaviek byli zastreleny ŭ miascovaj siaredniaj škole ŭ Tambler-Rydžy, jašče dvoje byli znojdzieny miortvymi ŭ žyłym domie. Miarkujecca, što strałok pakončyŭ z saboj.
Jak paviedamiła Karaleŭskaja kanadskaja konnaja palicyja (RCMP), ranieńni atrymali 27 čałaviek, siarod ich jość dvoje paciarpiełych ź ciažkimi traŭmami.
Jak adznačaje AFP, kanadskija ŚMI pieršapačatkova paviedamili, što strałkom była žančyna, adnak u zajavie palicyi niama nijakich padrabiaznaściaŭ pra padazravanaha.
«Situacyja chutka raźvivałasia i źmianiałasia, i apieratyŭnaje supracoŭnictva z boku škoły, ekstrannych słužbaŭ i miascovaj supolnaści adyhrała vyrašalnuju rolu ŭ našych dziejańniach», — cytuje ahienctva zajavu kamandujučaha RCMP Kiena Fłojda.
Akruha Tambler-Rydž, dzie adbyłasia stralba, znachodzicca bolš jak za 1100 kiłamietraŭ na poŭnač ad Vankuviera, najbujniejšaha horada Brytanskaj Kałumbii, adznačaje AFP.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary