Siońnia, 22 kastryčnika, pamior viadomy piśmieńnik Juryj Stankievič. Jamu było 76 hadoŭ.
Juryj Stankievič, abo Jury Stankievič, sapraŭdnaje imia — Hieorhij Vasiljevič Charytanovič, naradziŭsia 21 studzienia 1945 hoda ŭ Barysavie.
Baćka piśmieńnika ŭ 1946 hodzie byŭ represavany pa 58-m artykule ŭ Karahandzinski papraŭča-pracoŭny łahier. Juryj rana kinuŭ škołu i pačaŭ pracavać. Skončyŭ fakultet žurnalistyki Biełaruskaha dziaržaŭnaha ŭniviersiteta, pracavaŭ u barysaŭskaj abjadnanaj haziecie. Nieŭzabavie pierajechaŭ u Minsk. Byŭ litaraturnym supracoŭnikam, zahadčykam adździeła časopisa «Maładość», zahadčykam adździeła časopisa «Krynica». Z 1990 hoda — člen Sajuza biełaruskich piśmieńnikaŭ.
Pačaŭ litaraturnuju dziejnaść u 1988 hodzie. Napisaŭ niekalki ramanaŭ, šmat apovieściej i apaviadańniaŭ, a taksama kala dziasiatka pjes i kinascenaryjaŭ.
Važniejšymi knihami Ju. Stankieviča źjaŭlajucca «Lubić noč — prava pacukoŭ» (2000), «Apładnieńnie jołupa» (2005), «Miljard udaraŭ» (2008), «Pjaŭka» (2010). Tvory pierakładzieny na niekalki moŭ.
Dvojčy naminavany na litaraturnuju premiju «Hliniany Viales» za raman «Miljard udaraŭ» (2008) i raman «Pjaŭka» (2010).
U 2013 hodzie raman «Šał» uvajšoŭ u šort-list premii imia Hiedrojca.
Ciapier čytajuć
«Abmiarkoŭvajem pytańnie ab vyzvaleńni jašče 1300 źniavolenych». Tramp raskazaŭ, pra što havaryŭ z Łukašenkam5
Kamientary