Pierśpiektyŭnaja technałohija: hnoj na fiermach buduć apracoŭvać płaźmiennym zaradam
Narviežskaja technałahičnaja kampanija N2 Applied pačała testavać na fiermie ŭ brytanskim Bakinhiemšyry technałohiju dla baraćby z klimatyčnymi źmienami: navukoŭcy stralajuć pa karovinym hnai płaźmiennym zaradam, paviedamlaje BBC.
Pierahrety patok atamaŭ razburaje ŭ karovinym hnai malekuły škodnych dla navakolnaha asiarodździa amijaku i mietanu. Amijak pry apracoŭcy «štučnaj małankaj» pieratvarajecca ŭ čysty azot — fiermiery vykarystoŭvajuć jaho jak uhnajeńnie.
Vyprabavańni technałohii ŭ Bakinhiemšyry pakazali źnižeńnie ŭtrymańnia amijaku ŭ vadkim hnai na 90%, a vykidaŭ mietanu — na 99%.
Raspracoŭščyki adznačajuć, što technałohija moža dapamahčy vyrašyć prablemu źmieny klimatu i zmahacca z zabrudžvańniem pavietra ŭ sielskaj miascovaści i haradskich rajonach: paśla apracoŭki hnoj pachnie «marskim uźbiarežžam». Kali technałohija stanie dastupnaj, jaje pačnuć prymianiać paŭsiudna.
Karovy — rekardsmieny pa vykidach mietanu, adnaho z asnoŭnych parnikovych hazaŭ. Jon traplaje ŭ atmaśfieru praz adryžku i hnoj, vypracoŭvajučysia ŭ kišečniku padčas pieravarvańnia klatčatki.
-
«Leha» abviaščaje revalucyju: prezientavanaja sistema, jakaja ažyŭlaje kubiki biez smartfonaŭ. Voś jak jana pracuje i kolki kaštuje
-
Mask płanuje stvaryć na kalaziamnoj arbicie sapraŭdnaje suzorje centraŭ apracoŭki danych. Rasija zaniepakojenaja
-
Apple nabyła sakretnuju izrailskuju technałohiju sčytvańnia mimiki
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj60
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary