Hrodzienskamu błohieru Vadimati, na jakoha zaviali dźvie kryminalnyja spravy, dadali 20 dzion aryštu za «zakliki da ekstremizmu»
14 kastryčnika Vadzima Jermašuka majuć pieravieści ŭ SIZA hrodzienskaj turmy.
Hrodzienskaha błohiera i pradprymalnika Vadzima Jermašuka (Vadimati) asudzili na 20 dzion administracyjnaha aryštu nibyta za «raspaŭsiud, vyrab abo zachoŭvańnie infarmacyi, u jakoj jość zakliki da ekstremisckaj dziejnaści» (artykuł 19.11 KaAP). Pra heta «Radyjo Svaboda» paviedamiła siabroŭka błohiera.
Pastanovu ŭchvaliŭ sud Ščučynskaha rajona 14 kastryčnika. U hety ž dzień Jermašuka majuć pieravieści ŭ SIZA hrodzienskaj turmy.
Vadzima Jermašuka zatrymali 16 žniŭnia ŭ Ščučynie, kudy jon pajechaŭ pahladzieć na miascovy skiejt-park, kab zrabić padobny ŭ Hrodnie.
Ahułam Vadimati atrymaŭ 60 administracyjnych sutak aryštu pa troch artykułach: spačatku 25 nibyta za «zaklik na niesankcyjanavanaje spartovaje mierapryjemstva» (artykuł 24.23 KaAP). Naprykancy terminu dadali 15 sutak za «abrazu rabotnikaŭ ŽKH i harvykankamu», kali jon telefanavaŭ pa numary 115. Z 16 žniŭnia dahetul haradzieniec znachodziŭsia ŭ Ščučynskim IČU.
Ciapier Jermašuk znachodzicca pad vartaj, na jaho zaviali kryminalnyja spravy pa dvuch kryminalnych artykułach: za abrazu Łukašenki (artykuł 368 Kryminalnaha kodeksu Biełarusi, pahražaje da 4 hadoŭ u kałonii) i za «abrazu dziaržaŭnaha ściaha» (artykuł 370 Kryminalnaha kodeksu Biełarusi, pahražaje da 3 hadoŭ u kałonii). Padstavaj dla zaviadzieńnia spraŭ pasłužyli dva vykazvańni błohiera.
Vadzim Jermašuk handluje adzieńniem na hrodzienskim rynku. U apošnija hady damahaŭsia palapšeńnia infrastruktury ŭ horadzie: ramont asfaltu, ustalavańnie pandusaŭ, zmahaŭsia z zabrudžvańniem vady.
Akramia taho, naviedvaŭ mnohija «palityčnyja» sudy, raskazvaŭ pra ich u svaim instahramie. Zdymaŭ iraničnyja roliki ŭ vobrazie «narodnaha deputata».
Vadzimu Jermašuku 36 hadoŭ, pavodle adukacyi jon juryst, viadzie svoj instahram z 45 tysiačami padpisčykaŭ.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ10
Kamientary