Raźvitańnie z historykam Uładzimiram Lachoŭskim projdzie ŭ čaćvier
Raźvitańnie z historykam Uładzimiram Lachoŭskim projdzie ŭ čaćvier z 9:30 da 10:45 u rytualnaj zale pa adrasie Alšeŭskaha, 12. Zała №1.
Lachoŭski pamior 7 vieraśnia va ŭzroście 57 hadoŭ. Jon byŭ adnym z najlepšych historykaŭ svajho pakaleńnia i addanym patryjotam Biełarusi. U apošnija hady jon pracavaŭ dacentam fakulteta mižnarodnych adnosin BDU.
Uładzimir Lachoŭski naradziŭsia 5 lutaha 1964 hoda ŭ Minsku. Pracavaŭ u Instytucie historyi Nacyjanalnaj akademii navuk, Nacyjanalnym archivie, na fakultecie mižnarodnych adnosin BDU.
Śfiera jaho intaresaŭ — nacyjanalny ruch u pačatku XX st.: časoŭ Pieršaj suśvietnaj vajny, BNR, 1920-ja hady. Uładzimir Lachoŭski byŭ adnym z układalnikaŭ zbornika «Słucki zbrojny čyn 1920 h. u dakumientach i ŭspaminach» (2001), aŭtaram knih «Školnaja adukacyja ŭ Biełarusi padčas niamieckaj akupacyi 1915—1918 hh.» (2010) i «Ad homanaŭcaŭ da hajsakoŭ. Čynnaść biełaruskich maładziovych arhanizacyj u 2-j pałovie XIX — pieršaj treci XX st.» (2012).
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR4
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary