Prynamsi 17 haściej na viasielli zahinuli ŭ Banhładeš ad udaru małanki. Jašče 14 čałaviek, uklučajučy žanicha, atrymali ranieńni. Niaviesty siarod prysutnych nie było, piša Bi-bi-si.
Viasielny kartež jakraz nakiroŭvaŭsia da doma niaviesty. Ludzi vysadžvalisia z łodki ŭ prybiarežnym miastečku Šybhandž, kali ich zaśpieła navalnica.
Miascovyja žychary raspaviali, što pa hrupie ŭdaryła adrazu niekalki małanak.
Štohod sotni ludziej u Paŭdniovaj Azii hinuć ad udaraŭ małanki.
U 2016 hodzie Banhładeš abviaściŭ udary małanki stychijnym biedstvam, kali ŭ mai zahinuła bolš za 200 čałaviek, u tym liku 82 čałavieki za adzin dzień.
Ekśpierty kažuć, što vysiečka lasoŭ spryjaje rostu kolkaści śmiarotnych udaraŭ małanki, bo stanovicca mienš vysokich dreŭ, jakija raniej prymali ŭdary na siabie.
Kamientary