Śviatłana Cichanoŭskaja sustrełasia z prezidentam ZŠA Džo Bajdenam u Biełym domie
Cichanoŭskaja naviedvaje ZŠA pa aficyjnym zaprašeńni Dziarždepartamienta. Lidar biełaruskaj apazicyi ŭžo praviała pieramovy z vysokapastaŭlenymi pradstaŭnikami administracyi ZŠA, kanhresmienami i sienatarami. 19 lipienia jana sustrełasia ź dziaržsakratarom ZŠA Entani Blinkienam, jaho namieśnikam Viktoryjaj Nułand i daradcam Dziarždepartamienta ZŠA Derekam Šole.
Voś pra što šła razmova padčas sustrečy z Bajdenam:
«Ja vychodžu ź Biełaha doma z upeŭnienaściu, što hołas miljonaŭ biełarusaŭ byŭ pačuty:
— Biełaruskaja revalucyja nie źviazanaja z hieapalitykaj. Heta demakratyčny vybar biełarusaŭ, i maralny abaviazak ZŠA —padtrymać nas.
— Suvierenitet Biełarusi nie padlahaje abmierkavańniu i handlu. Lubyja ździełki, padpisanyja nielehitymnym režymam, niezakonnyja.
— Rašeńniem kryzisu mohuć stać tolki novyja svabodnyja vybary pad mižnarodnym kantrolem. A ŭsie źniavolenyja pa palityčnych matyvach pavinny być vyzvalenyja bieź jakich-niebudź umoŭ.
— Kryzis u Biełarusi pavinien być uklučany ŭ mižnarodny paradak dnia, u AAN i ABSE, a ŭsie vinavatyja pavinny być pryciahnutyja da adkaznaści ŭ mižnarodnych sudach».
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary