Siońnia ŭ Ekanamičnym sudzie Minska prachodzić padrychtoŭčaje sudovaje pasiadžeńnie pa pazovie partała Tut.by da administracyi Parka vysokich technałohij.
Pa chadajnictvie Departamienta finansavych rasśledavańniaŭ Kamiteta dziaržkantrolu sud pryniaŭ rašeńnie pravieści pasiadžeńnie ŭ zakrytym režymie.
TAA «Tut baj miedyja» nakiravała ŭ sud zajavu ab pryznańni niesapraŭdnaj pastanovy naziralnaj rady PVT ab stracie prava na lhoty ŭ 2019-2021 hadach.
Pravy na lhoty rezidenta PVT «TUT BAJ miedyja» pazbavili pa chadajnictvie DFR, paviedamlaje partał.
Padstavaj pasłužyŭ list ad 17 maja 2021 hoda za podpisam namieśnika staršyni KDK Ihara Maršałava na adras dyrektara PVT Usievałada Jančeŭskaha.
U paŭtarastaronkavym dakumiencie ŭkazvajecca, što «padčas vyvučeńnia finansava-haspadarčaj dziejnaści TAA atrymanyja dokazy taho, što z momantu nabyćcia TAA «Tut baj miedyja» statusu rezidenta PVT u 2019 hodzie pa ciapierašni čas farmiravańnie častki vyručki ažyćciaŭlałasia za košt vykarystańnia prahramnaha zabieśpiačeńnia trecich asob».
Jakija mienavita «dovady» byli atrymanyja nie ŭdakładniajecca.
PVT pryniaŭ rašeńnie ab stracie lhot šlacham hałasavańnia (za — 8 hałasoŭ, 0 — suprać, 0 — ustrymałasia).
***
Nahadajem, što 18 maja partał byŭ zabłakavany, a bolš za dziasiatak supracoŭnikaŭ, uklučna z hałoŭnym redaktaram Marynaj Zołatavaj, zatrymanyja, jany znachodziacca ŭ SIZA.
Paźniej MUS vystupiła ź inicyjatyvaj ab pryznańni materyjałaŭ Tut.by, u tym liku ŭ sacsietkach, ekstremisckimi. Pieršaje pasiadžeńnie prajšło ŭ kancy červienia.
-
Lizavietu Prakopčyk prahnazavana abrali vice-śpikierkaj Kaardynacyjnaj rady
-
Amal 10 hadoŭ tamu ŭ Biełarusi hrymieła «sprava siamnaccaci». Jak dalej skłaŭsia los jaje fihurantaŭ-siłavikoŭ?
-
«Pacuki, błochi, śmiećcie, a ŽEU rapartuje, što ŭsio prybrana». Žychary Žodzina aburanyja, što musili sami ačyščać padvał
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć39
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary