Były staršynia Abjadnanaj hramadzianskaj partyi Anatol Labiedźka atrymaŭ 30 sutak aryštu za «ŭdzieł u niesankcyjanavanym mierapryjemstvie», paviedamlaje «Svaboda».
17 traŭnia prysud vyniesła ŭ sudzie Maskoŭskaha rajonu Miensku sudździa Taciana Matyl.
Anatola Labiedźku zatrymali 14 traŭnia kala budynka sudu Kastryčnickaha rajonu Miensku. Tam u hety dzień pačaŭsia sud nad hrupaj studenckich aktyvistaŭ. Ich abvinavačvajuć u arhanizacyi akcyj pratestu ŭ studenckim asiarodździ Miensku paśla sfalšavanych vybaraŭ prezydenta 2020 hodu.
Na łavu padsudnych trapili 12 čałaviek. Siarod ich studenty roznych VNU Miensku, aktyvistka «Moładzievaha bloku» Ałana Hiebremaryjam i vykładčyca BDUIR Volha Fiłatčankava, jakaja ŭdzielničała ŭ strajku supracoŭnikaŭ universytetu i była adnoj z udzielnic videazvarotu da biełarusaŭ suprać hvałtu. Usie jany pryznanyja biełaruskaj pravaabarončaj supolnaściu palitviaźniami i znachodziacca pad vartaj z 12 listapada 2020 hodu.
Da budynku sudu 14 traŭnia pryjšło šmat ludziej. Svajakoŭ (pa dvoje na kožnaha abvinavačanaha) prapuścili ŭ budynak sudu za niekalki chvilin da pačatku pracesu. U zalu ŭvajšło kala 25 čałaviek, jašče prykładna 40 zastalisia ŭ kalidory. Žurnalisty niekalki razoŭ źviartalisia z prośbaj dać im mahčymaść vykanać svaje prafesijnyja abaviazki, adnak u zalu sudu nikoha ź ich nie prapuścili.
Jak paviedamiŭ pravaabarončy centar «Viasna», supracoŭniki AMAP, jakija dziažuryli kala budynku sudu, pačali zatrymlivać niekatorych studentaŭ z tych, chto pryjšoŭ padtrymać abvinavačanych, ale nia trapiŭ na praces. Akramia Anatola Labiedźki byli zatrymanyja žurnalistka Tut.by Luboŭ Kaśpiarovič, studentka BDUIR Ksienija Alaško, studenty BDU Savielij Dubovik, Volha Vajtovič, Viktar Pałtaržycki, Mirasłava Bułhakava, a taksama Luboŭ Daščynskaja.
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ4
Kamientary