Znachodka archivistaŭ: maršał Rakasoŭski naradziŭsia nie ŭ Varšavie, a ŭ biełaruskich Cielachanach
U Nacyjanalnym histaryčnym archivie Biełarusi adšukali zapis ab naradžeńni maršała Savieckaha Sajuza i maršała Polščy Kanstancina Rakasoŭskaha.
Zapis adšukaŭ uradženiec vioski Somina Ivacevickaha rajona Bresckaj vobłaści Uładzimir Michajłavič Abramčuk u čas pracy ŭ čytalnaj zale NHA Biełarusi pry daśledavańni ŭłasnaha radavodu.
Jak śviedčać novaadšukanyja dakumienty, Kanstancin Kanstancinavič (Ksavierjevič) Rakasoŭski naradziŭsia na biełaruskaj ziamli — u miastečku Cielachany Pinskaha pavieta Minskaj hubierni (siońnia Ivacevickaha rajona Bresckaj vobłaści).
Sam maršał u roznyja časy padavaŭ roznyja miescy i navat daty svajho naradžeńnia. Zhodna z adnymi źviestkami, jon naradziŭsia 9 (21) śniežnia 1894 h., zhodna z druhimi — 9 (21) śniežnia 1896 h. Miescami naradžeńnia značycca to Varšava, to Vialikija Łuki Pskoŭskaj vobłaści Rasii. Pakolki bijohrafam maršała nijak nie ŭdavałasia znajści zapis u mietryčnych knihach, pytańnie ab dakładnym miescy i časie naradžeńnia zastavałasia adkrytym.
Zhodna sa znojdzienym zapisam, chłopčyk Kanstancin, syn dvaranina Ksavieryja Vikienćjeviča Rakasoŭskaha, rymska-katalickaha vieravyznańnia, i jaho žonki Antaniny Ivanaŭny, pravasłaŭnaha vieravyznańnia, naradziŭsia 3 (15) vieraśnia 1889 h., a 4 (16) 1889 h. i byŭ achryščany ŭ Śviata-Troickaj Cielachanskaj carkvie.
Atrymlivajecca, Kanstancin Rakasoŭski byŭ na piać ci navat na siem hadoŭ starejšym, čym heta było zanatavana ŭ jaho paźniejšych dakumientach. Daśledčykam było viadoma, što maci budučaha maršała Antanina Aŭsianikava, jakaja pamierła ŭ 1911 h., była rodam ź Cielachanaŭ. Adnak nichto nie moh padumać, što ŭ hetym ža miastečku naradziŭsia i sam Kanstancin.
Jak vyśvietlili archivisty, karaniami rod maci Rakasoŭskaha pachodzić z majontka Tulacičy susiedniaha Kobrynskaha pavieta Hrodzienskaj hubierni (siońnia Ivanaŭski rajon Bresckaj vobłaści).
Dla hienieałohaŭ i ŭsich amataraŭ historyi radavod Kanstancina Rakasoŭskaha abiacaje šmat adkryćciaŭ. Tym nie mienš vielmi važnym źjaŭlajecca fakt taho, što adzin z maršałaŭ Pieramohi, kamandujučy vojskami 1-ha Biełaruskaha frontu, kamandujučy Paradam Pieramohi 1945 h. naradziŭsia na biełaruskaj ziamli i mieŭ biełaruskija karani, adznačajecca ŭ paviedamleńni ŭ fejsbuku NHAB.
-
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu
-
Śvirski zvon akazaŭsia žyrovickim «Kanstanciusam». Historyk vyśvietliŭ pachodžańnie pomnika biełaruskaha lićcia z katalickim hierbam i kiryličnaj malitvaj
-
«Kava z historykam» zaprašaje na kruhły stoł pra sud i prava ŭ Vialikim Kniastvie Litoŭskim
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary