Karankievič: Pieravod kacielniaŭ ŽKH z hazu na torf — pryjarytetny kirunak
Prajekty pa vykarystańni torfu ŭ jakaści paliva pry vytvorčaści cemientu płanujuć raźvivać u Biełarusi. Ab hetym zajaviŭ siońnia ministr enierhietyki Viktar Karankievič na sustrečy z kalektyvam prajektnaha navukova-daśledčaha respublikanskaha ŭnitarnaha pradpryjemstva «NDI Biełhipratophaz», paviedamlaje BiełTA.
Karankievič adznačyŭ, što sioleta płanujecca pavialičyć pastaŭki tarfianoj pradukcyi na cemientavyja zavody, u pryvatnaści tarfakroški ŭ AAT «Krasnasielbudmateryjały».
Siarod pryjarytetnych napramkaŭ ministr enierhietyki nazvaŭ i pieravod kacielniaŭ ŽKH z pryrodnaha hazu na frezierny torf. «Dobryja prykłady takich prajektaŭ u nas jość: častka ź ich užo znachodzicca na zaviaršalnaj stadyi realizacyi, častka adpracoŭvajecca jak pierśpiektyŭnyja», — skazaŭ jon.
Karankievič paznačyŭ tendencyju rostu popytu na tarfianuju pradukcyju na ŭnutranym rynku. «Kali ŭ 2011 hodzie kala 40-45% ad ahulnaha abjomu vytvorčaści tarfianoj pradukcyi sychodziła na ekspart, to ciapier hetaja pradukcyja ŭ asnoŭnym zapatrabavanaja ŭ nas u krainie», — kanstatavaŭ kiraŭnik Minenierha.
U kancy 2020 hoda była zaćvierdžana prahrama kompleksnaj madernizacyi tarfianych vytvorčaściaŭ na 2021-2025 hady.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary