«Biełpošta» nie ŭklučaje baranavicki Intex-press u padpisny katałoh, handlovyja sietki admovilisia pradavać hazietu ŭžo ciapier
Na minułym tydni stała viadoma pra prakurorskaje papiaredžańnie, a potym i dva administracyjnyja pratakoły suprać redaktara baranavickaha niedziaržaŭnaha vydańnia Intex-press za intervju sa Śviatłanaj Cichanoŭskaj, paviedamlaje BAŽ.
Hałoŭnaha redaktara i ŭładalnika sajta Uładzimira Janukieviča źvinavacili ŭ «raspaŭsiudzie infarmacyi, raspaŭsiud jakoj zabaronieny», nie tłumačačy navat, u čym kankretnyja pretenzii ŭładaŭ.
Uśled za prakurorskim i administracyjnym ciskam siońnia, 28 krasavika, «Biełpošta» paviedamiła, što nie ŭklučyć vydańnie ŭ padpisny katałoh na druhoje paŭhodździe i nie voźmie jaho dla prodažu u adździaleńniach.
Niby pa kamandzie, pradavać adno z najbujniejšych niedziaržaŭnych hramadska-palityčnych vydańniaŭ Bresckaj vobłaści admovilisia i pryvatnyja handlovyja sietki «Biełmarkiet», «Marcin», «Dabranom» i inšyja.
U svaju čarhu hałoŭny redaktar Intex-press Uładzimir Janukievič nie padaje ducham i havoryć, što litaralna dniami vydańnie pasprabuje viarnucca da ŭłasnaj sietki raspaŭsiudu, jakaja ŭžo pracavała paśla 2005 hoda, kali mnohija niedziaržaŭnyja miedyja byli vyklučany z katałohaŭ «Biełpošty» i «Biełsajuzdruka».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary