Prysud žurnalistkam «Biełsata» Andrejevaj i Čulcovaj za strym z płoščy Pieramien pakinuli bieź źmienaŭ. Jany zastajucca za kratami
23 krasavika Minski haradski sud razhledzieŭ apielacyjnuju skarhu na prysud Darji Čulcovaj i Kaciarynie Bachvałavaj — žurnalistkam «Biełsata», jakija 15 listapada 2020-ha viali strym z płoščy Pieramien, piša Tut.by.
U toj dzień ich zatrymali, zatym asudzili na siem sutak administracyjnaha aryštu pa artykule 23.34 KaAP, a paźniej raspačali ŭ dačynieńni da žurnalistak kryminalnuju spravu. U lutym prajšoŭ sud. Sudździa Natalla Buhuk prysudziła kožnuju da dvuch hadoŭ pazbaŭleńnia voli.
Razhlad apielacyi zapłanavany na 10 ranicy. Ni Kaciaryna Bachvałava, ni Darja Čulcova ŭ pracesie asabista nie ŭdzielničajuć. Pad vartaj jany znachodziacca ŭžo bolš za piać miesiacaŭ. Ciapier — u śledčaj turmie ŭ Žodzinie.
Žurnalistak abvinavačvali pa č. 1 art. 342 Kryminalnaha kodeksa — «Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich».
Darju Čulcovu pa-raniejšamu abaraniaje Alaksandr Chajecki. U Kaciaryny Bachvałavaj novy abaronca — Andrej Mačałaŭ: jaje raniejšaha advakata Siarhieja Zikrackaha ŭ sakaviku pazbavili licenzii.
U daradčym pakoi sudovaja kalehija praviała krychu bolš za 20 chvilin.
Paśla hetaha jana abviaściła svaju pastanovu: pakinuć prysud Kaciarynie Bachvałavaj (Andrejevaj) i Darji Čulcovaj bieź źmieny.
Za svaju pracu žurnalistki praviaduć u kałonii ahulnaha režymu dva hady.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary