Śviatłana Cichanoŭskaja zaklikała Łosika, Bancara i Furmanava spynić haładoŭku
Palityk vystupiła ź videazvarotam.
«Jak čałaviek, maci i žonka, ja prašu vas spynić haładoŭku. Vy patrebnyja vašym blizkim, baćkam i dzieciam. Ale jak palityk ja rablu ŭsio mahčymaje, kab vyzvalić vas i sotni biełarusaŭ, jakija bieź viny pazamykanyja ŭ susiednich z vami kamierach.
Na hetym tydni ja sustrakałasia z delehacyjami ES i AAN, kab jany nakłali finansavyja i vizavyja sankcyi na sudździaŭ, prakuroraŭ i kiraŭnictva turmaŭ, jakija nie vykonvajuć vašyja patrabavańni.
Jany abaviazanyja dapuścić u turmy pradstaŭnikoŭ dypmisij i pasłoŭ. Jany zabaraniajuć hetyja vizity — tamu što bajacca, što ŭsie ŭbačać, u jakich strašnych umovach režym utrymlivaje našych mužoŭ, dziaciej, baćkoŭ i siabroŭ. My možam tolki zdahadvacca, u jakim piekle vy znachodziciesia — raz vyrašylisia parezać vieny i abviaścić suchuju haładoŭku.
Ale my havorym pra vas na ŭvieś śviet. Razam z zamiežnymi partniorami my praciahvajem damahacca, kab śpiecdakładčyka AAN pa Biełarusi Anais Maryn puścili ŭ Biełaruś. Užo na nastupnym tydni AAN pavinna zapuścić miechanizm pryciahnieńnia da adkaznaści tych, chto ździajśniaŭ niezakonnyja zatrymańni i vynosiŭ spuščanyja źvierchu prysudy.
Ale ja nie viedaju, ci jość u vas jašče tydzień. U nas niama prava prosta čakać niečych dziejańniaŭ — bo heta čakańnie viadzie da strašnych achviar».
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy9
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary