Novy film Ściapana Puciły pra Łukašenku hladzieli anłajn 100 tysiač čałaviek. Što pakazali novaha?
U jutub-kanale Ściapana Puciły źjaviłasia novaje videa — film «Łukašenka. Załatoje dno». Ź pieršaj chviliny premjera karystałasia popytam aŭdytoryi. U pikavy momant film adnamomantava hladzieli bolš za 101 tysiaču karystalnikaŭ.
Videa praciahvajecca kala 80 chvilin. U im Ściapan Puciła i jaho kamanda raskazvajuć pra rezidencyi Alaksandra Łukašenki, jaho aŭta- i avijapark, darahija hadzińniki i inšyja aksiesuary. Pierakazvajucca historyi žančyn, jakija byli nabližanyja da kiraŭnika krainy. U jakaści dadatkovych ekśpiertaŭ pryciahnutyja «supracoŭnik Administracyi prezidenta», «inžynier». Jany fihurujuć u videa sa źmienienymi hałasami.
Što ŭ filmie ekskluziŭnaha? Raniej u ŚMI nie publikavalisia niekalki dakumientaŭ — naprykład, prajektnyja płany rezidencyi «Uschod». Taksama pryvodziacca dadatkovyja arhumienty blizkaści da Alaksandra Łukašenki biznesmiena Paŭła Tapuzidzisa i jaho kampanii «Tytuń-Inviest».
Adnak bolšaść źmiestu — heta kampilacyja faktaŭ, raniej viadomych palityzavanaj aŭdytoryi. Ale dla ludziej, jakija stali cikavicca situacyjaj u Biełarusi tolki apošnim časam, heta infarmacyja budzie cikavaj.
Dziakujučy papularnaści Ściapana Puciły i ałharytmam Jutuba videa źbiare miljonnyja prahlady. Mahčyma, dziaržava pryznaje jaho «ekstremisckim», jak i papiaredni film Puciły.
Ciapier čytajuć
Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły8
Kamientary