Mierkavańni

Šrajbman pra zvalnieńnie Šadurskaha: Sistema pazbaŭlajecca paŭtonaŭ

Syšli Viktara Šadurskaha, jaki 12 hadoŭ byŭ dekanam fakulteta mižnarodnych adnosin BDU, fakulteta sa stabilna rekordnymi prachadnymi bałami, i, jak vynik, mnostvam razumnych studentaŭ i talenavitych vykładčykaŭ — heta značyć, u svajoj bolšaści, prychilnikaŭ pratestu, napisaŭ palitołah Arciom Šrajbman.

Ja nie čuŭ ab palityčnych zvalnieńniach abo adličeńniach z FMA. Upeŭnieny, u hetym była zasłuha mienavita Šadurskaha. Viedaju jaho jak prystojnaha i adkrytaha čałavieka, patryjota, dypłamata pa duchu.

Jak by mnie nie było škada alma-matar, samoha Viktara Hienadzieviča i tych vykładčykaŭ, jakich zvolniać abo vymusiać syści jamu naŭzdahon, heta absalutna niepaźbiežny praces.

12 žniŭnia i niekalki razoŭ potym ja pisaŭ, što šlach da kanca našaj sistemy budzie lažać nie praz šturm pałaca matrosami, a praz pavolnuju i pakutlivuju dehradacyju dziaržaparatu i dziaržustanoŭ z-za adsłojvańnia ź ich prafiesijanałaŭ.

Pracavać na dziaržavu va ŭsich jaje vyjavach budzie stanavicca ŭsio bolš taksična i niaŭdziačna dla ludziej z žadańniem zachavać sumleńnie abo reputacyju. Kali ty małady i talenavity vypusknik — dziaržstruktury stanuć apošnim miescam, kudy ty zachočaš pajści pracavać, kali jość vybar.

Sistema ŭsio jašče ŭtrymlivaje prafiesijanałaŭ ź libieralnymi pohladami dziakujučy asablivym ludziam-dempfieram — kiraŭnikam, jakija prymajuć uvieś cisk sistemy na siabie, stvarajučy padnačalenym zdarovuju demakratyčnuju atmaśfieru.

Zvyčajna hetyja ludzi — talenavityja dypłamaty. Im treba ŭmieć słuchać i nie piarečyć savieckim zamovam načalstva, manieŭravać, zahavorvać, znachodzić bałans u rytorycy, padmorhvać svajmu kalektyvu — maŭlaŭ, vy viedajecie, ja z vami, ale pavinien hulać u ich hulni, kab u nas tut z vami ŭsio było dobra.

Hetaja misija apraŭdanaja tym, što važna zachavać asiarodki rozumu, ź jakich vyrastajuć budučyja refarmatary. Ale schiema pracuje ŭ mirny čas, a jon skončyŭsia.

Viktar Šadurski byŭ mienavita takim dempfieram dla adnaho z samych libieralnych fakultetaŭ krainy. Da jaho hetak ža syšli mnohich dekanaŭ, rektaraŭ, hałoŭdoktaraŭ, i ja ździŭleny, što jon pratrymaŭsia tak doŭha.

Kali kiraŭnika-dempfiera mianiajuć na kamisara (a navošta inakš jaho mianiać ciapier), atmaśfiera ŭ kalektyvie mianiajecca. Dla dumajučych ludziej stymułaŭ i apraŭdańniaŭ praciahvać pracavać, dy i vučycca, u takim miescy zastajecca niašmat. I kali jość vybar — a ŭ najlepšych jon zvyčajna jość — jany sychodziać.

Sistema pazbaŭlajecca paŭtonaŭ. Heta pavialičvaje jaje ŭnutranuju manalitnaść, ale źnižaje jaje zdolnaść usprymać razumnyja impulsy i prymać adekvatnyja rašeńni. Branzavieńnie i dehradacyja… Usie b my addali pieravahu inšamu, ale heta nie naš vybar.

Kamientary

Ciapier čytajuć

Kiełah płanuje pajezdku ŭ Biełaruś i sustreču z Łukašenkam. Pry hetym moža być vyzvalenaja hrupa palitviaźniaŭ15

Kiełah płanuje pajezdku ŭ Biełaruś i sustreču z Łukašenkam. Pry hetym moža być vyzvalenaja hrupa palitviaźniaŭ

Usie naviny →
Usie naviny

«Štohod hublajem 15 abjektaŭ». Biełaruskija dačniki zmahajucca z vyškami sotavaj suviazi2

Administracyja Trampa zakryła sakretnuju pracoŭnuju hrupu, zaklikanuju schilić Rasiju da mirnaha pahadnieńnia4

U Homieli zakryli zabiahałaŭku pradprymalnika-łukašysta i źniščyli jaho płakat sa Stalinym18

Iran zajaviŭ pra ŭdar pa štab-kvatery «Masada»

«Stracili ŭsio, akramia žyćcia». 85 hadoŭ tamu ŭnuka prezidenta Hrodna vyvieźli z horada ŭ čamadanie — zaraz jon pa krupinkach uznaŭlaje historyju siamji2

Šmatdzietnaha baćku-viernika pryznali jašče i terarystam1

Kampanija Trampa budzie vypuskać imiannyja mabilniki ź cikavym taryfnym płanam2

Chto taki Viarchoŭny lidar Irana ajatała Ali Chamieniei i nakolki ŭpłyvovaja jaho siamja2

Biełaruski eks-ministr pryros aktyvam u Polščy, ale nie zabyvaje pra Rasiju3

bolš čytanych navin
bolš łajkanych navin

Kiełah płanuje pajezdku ŭ Biełaruś i sustreču z Łukašenkam. Pry hetym moža być vyzvalenaja hrupa palitviaźniaŭ15

Kiełah płanuje pajezdku ŭ Biełaruś i sustreču z Łukašenkam. Pry hetym moža być vyzvalenaja hrupa palitviaźniaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić