Aktyvist štaba Babaryki Chałatran u apošnim słovie: «Ja lublu svaju radzimu — Biełaruś. Ja nie pryznaju vinu»
U sudzie Frunzienskaha rajona Minska praciahnuŭsia sudovy praces nad byłym aktyvistam štaba Babaryki Lavonam Chałatranam. Jaho abvinavačvajuć pa artykule 341 č. 1 KK «Arhanizacyja albo padrychtoŭka hrupavych dziejańniaŭ, jakija hruba parušajuć hramadski paradak».
U noč vybaraŭ na 10 žniŭnia, pavodle viersii abvinavačańnia, Chałatran udzielničaŭ u biesparadkach u rajonie vulic Bahdanoviča i praśpiekta Mašerava. Sam Chałatran kaža, što prosta vyjšaŭ sa štaba prahulacca.
Prakuror zaprasiŭ dla abvinavačanaha dva hady chimii. 17 lutaha Lavon vystupiŭ z apošnim słovam:
«Ja — pradprymalnik, samastojna zarablaju sabie na žyćcio. Maje baćki miedyki: baćka — vajskovy, mama — cyvilny.
Ja zakonapasłuchmiany hramadzianin, jaki lubić svaju radzimu — Biełaruś. U sakaviku ŭ majho maleńkaha syna budzie dzień naradžeńnia, jaki b ja chacieŭ sustreć razam.
Jak možna zabłakavać ruch darožnaha transpartu, kali jon byŭ zabłakavany raniej DAI? Jak možna pieraškodzić pracy hramadskaha transpartu, kali vyjšaŭ na vulicu praz paŭhadziny paśla apošniaha rejsu?
Pra jakija hrupavyja dziejańni možna kazać? U horadzie byŭ adklučany internet, tamu ja pierazvońvaŭsia sa znajomymi, kab padzialicca važnymi ŭ toj viečar navinami. Tak rabili tysiačy ludziej. Ja nikoha nie kaardynavaŭ. Prosta hulaŭ pa horadzie, dzie niama kamiendanckaj hadziny.
Mnie zdajecca, što abvinavačańnie nie čuje taho, što ja kažu. Ja nie pryznaju svaju vinu i prašu apraŭdać mianie całkam. Taksama ja chaču vykazać słovy padtrymki tym ludziam, jakija ciapier u źniavoleńni: Viktaru i Eduardu Babarykam, Maryi Kaleśnikavaj, Maksimu Znaku, Alaksandru Vasileviču i inšym».
Chałatran źjaŭlaŭsia kiraŭnikom Ruin Bar u kultavaj kulturnaj prastory OK16. Letaś staŭ vałancioram kamandy Viktara Babaryki na prezidenckich vybarach. Pryznany palitviaźniem.
Prysud pa jaho spravie budzie ahučany 19 lutaha, pasiadžeńnie pryznačana na 10.05.
Čytajcie taksama: «Dubasili pa hałavie, pryhavorvajučy: «čarnadupy». Hutarka z žonkaj palitviaźnia Lavona Chałatrana pra vychavańnie syna biez baćki i ratavańnie tvorčaściu
Ciapier čytajuć
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie22
Kamientary