NEPu kaniec: 5 vysnoŭ z «Usiebiełaruskaha narodnaha schodu»
1. NEPu kaniec — u pryvatnym biznesie vyšejšaje kiraŭnictva pabačyła palityčnuju niebiaśpieku.
Try surazmoŭcy «Našaj Nivy» z kołaŭ vialikaha biznesu pabačyli ŭ zajavach Alaksandra Łukašenki na UNS adnaznačnyja sihnały źmieny ekanamičnaha kursu. «Atmośfiera priednacionalizacii» — sfarmulavaŭ adzin ź ich.
«Mnohija dumajuć, jak by nie praziavać momant i paśpieć vyjechać», — tak acharaktaryzavaŭ situacyju inšy.
Vierahodna, nas čakaje pieryjad uciokaŭ kapitału.
2. Niezrazumieła, što budzie z PVT.
Nikomu adtul słova nie dali. Maŭčańnie ab PVT moža być znakam niavyznačanaści ŭ hetym pytańni.
Łukašenka razumieje nulavy ŭzrovień padtrymki ŭłady tam, ale dziakujučy PVT Biełaruś prynamsi maje prahramistaŭ unutry krainy i valutnyja pastupleńni. Źniščać PVT — vializny ŭdar pa technałahičnym patencyjale dziaržavy. Heta nie toje samaje, što zabrać hipiermarkiet u adnaho i addać druhomu.
3. Byli dumki, što pačniecca handal palitviaźniami, zamiest hetaha pačaŭsia handal niejtralitetam — anansavana admova ad imknieńnia da niejtralitetu i pierachod da jašče bolšaj doli Rasii ŭ handli.
Radykalizavałasia i rytoryka adnosna «ŭnutranych vorahaŭ». Na Schodzie hetym razam davali słova ŭ tym liku adkryta biesnavataj publicy. Takoje ŭražańnie, što nahniatajecca štučny kanflikt pa ŭkrainskim uzory.
4. Bolš stała adkrytaha padchalimažu i klatvaŭ u viernaści.
Pa kancentracyi heta nahadvała ŭžo epochu siaredniaha Brežnieva. A sam Łukašenka havaryŭ bolš za 51% ahulnaha času schodu. Usim astatnim arataram dastałasia mienš času, čym jamu adnamu.
5. Anansavanyja źmieny ŭ Kanstytucyju i zakanadaŭstva viaduć da zamacavańnia sistemy centralnaazijackaha typu.
Łukašenka chacieŭ by, kab jana pieražyła jaho, jak heta zdaryłasia va Uźbiekistanie paśla Karymava.
Hałoŭny pasył hetaha UNS nastupny: nie čakajcie ničoha novaha, bo nie dačakajecie.
-
Na mahile Viački Stankieviča na pomniku — ni słova pa-biełarusku. Voś pra što heta kaža nakont emihrantaŭ, emihracyi i «biełaruskaści ŭnukaŭ»
-
Lvoŭski: U Biełarusi nacyjanalnaje śviata — heta rycarskija turniry, u Rasii — sarafany i karahody
-
Praryŭ marakancaŭ u Sieutu: što heta było? Ci mahła heta być tonkaja pomsta Vašynhtona Madrydu? I ci adabjecca na lehalizacyi biełarusaŭ?
Ciapier čytajuć
Statkievič pra «Noč muziejaŭ» u Minsku: My zrazumieli, što ludzi apładziravali nie saksafanistu, a nam z žonkaj3
Statkievič pra «Noč muziejaŭ» u Minsku: My zrazumieli, što ludzi apładziravali nie saksafanistu, a nam z žonkaj
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru11
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru1
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary