Bieł-čyrvona-biełyja žaluzi na bałkonie znoŭ pryznali niesankcyjanavanym pikietam
Sudździa Leninskaha rajsuda Mahilova Natalla Panasienka aštrafavała na 15 bazavych vieličyń (435 rubloŭ) mahilaŭčanku Irynu Bryl za žaluzi bieł-čyrvona-biełaj rasfarboŭki, jakija visieli ŭ jaje na zakrytym bałkonie, paviedamlaje 6tv.by.
Čarhovy sud prajšoŭ 12 lutaha 2021 hoda pa art. 23.34 KaAP (Udzieł u niesankcyjanavanym masavym mierapryjemstvie). Pradmietam pravaparušeńnia sudździa Panasienka pryznała bieł-čyrvona-biełyja žaluzi, jakija amal paŭhoda — ź siaredziny žniŭnia 2020 hoda pa 27 studzienia 2021 hoda visieli na bałkonie siomaha paviercha ŭ domie pa vulicy 30 hadoŭ Pieramohi. Tym samym sudździa pahadziłasia z pratakołam ab administracyjnym pravaparušeńni, składzienym Leninskim RAUS ab tym, što vyviesiŭšy na bałkonie žaluzi takoj rasfarboŭki, Iryna Bryl stała ŭdzielnicaj masavaj akcyi, niedazvolenaha ŭładami pikietu. Milicyjaniery navat praviali pieratrus u kvatery, dzie pražyvaje tak zvanaja pravaparušalnica sa svajoj siamjoj, kanfiskavaŭšy ŭ jaje noŭtbuk, telefon z zaradnaj pryładaj i, viadoma, žaluzi.
Padčas sudovaha pasiadžeńnia Iryna Bryl kazała, što vyviesiła ŭ žniŭni takija žaluzi ŭ znak salidarnaści z udzielnikami pratestaŭ. I hetyja žaluzi visieli nie ŭ niejkim hramadskim miescy, a ŭ kvatery.
«U čym ja vinavataja? Ja nie pajšła hulać z hetymi žaluzi pa horadzie. Jany znachodzilisia na majoj terytoryi», — kazała Iryna Bryl, admoviŭšysia padčas suda pryznavać svaju vinu.
Tym nie mienš sudździa Panasienka aštrafavała jaje na 435 rubloŭ, žaluzi pastanoŭlena źniščyć.
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary