Суддзя Ленінскага райсуда Магілёва Наталля Панасенка аштрафавала на 15 базавых велічынь (435 рублёў) магіляўчанку Ірыну Брыль за жалюзі бел-чырвона-белай расфарбоўкі, якія віселі ў яе на закрытым балконе, паведамляе 6tv.by.
Чарговы суд прайшоў 12 лютага 2021 года па арт. 23.34 КаАП (Удзел у несанкцыянаваным масавым мерапрыемстве). Прадметам правапарушэння суддзя Панасенка прызнала бел-чырвона-белыя жалюзі, якія амаль паўгода — з сярэдзіны жніўня 2020 года па 27 студзеня 2021 года віселі на балконе сёмага паверха ў доме па вуліцы 30 гадоў Перамогі. Тым самым суддзя пагадзілася з пратаколам аб адміністрацыйным правапарушэнні, складзеным Ленінскім РАУС аб тым, што вывесіўшы на балконе жалюзі такой расфарбоўкі, Ірына Брыль стала ўдзельніцай масавай акцыі, недазволенага ўладамі пікету. Міліцыянеры нават правялі ператрус у кватэры, дзе пражывае так званая правапарушальніца са сваёй сям'ёй, канфіскаваўшы ў яе ноўтбук, тэлефон з зараднай прыладай і, вядома, жалюзі.
Падчас судовага пасяджэння Ірына Брыль казала, што вывесіла ў жніўні такія жалюзі ў знак салідарнасці з удзельнікамі пратэстаў. І гэтыя жалюзі віселі не ў нейкім грамадскім месцы, а ў кватэры.
«У чым я вінаватая? Я не пайшла гуляць з гэтымі жалюзі па горадзе. Яны знаходзіліся на маёй тэрыторыі», — казала Ірына Брыль, адмовіўшыся падчас суда прызнаваць сваю віну.
Тым не менш суддзя Панасенка аштрафавала яе на 435 рублёў, жалюзі пастаноўлена знішчыць.
Цяпер чытаюць
Былыя жонка і дзяўчына Пратасевіча аб’ядналіся і прыйшлі да яго новай нявесты, каб адпомсціць. І пагражаюць судом4
Каментары