У ВНУ на бюджэт прымуць 33,1 тыс. чалавек — у топе педагогі, інжынеры і медыкі
У 2026 годзе ўніверсітэты Беларусі гатовыя прыняць 49,1 тыс. абітурыентаў, з іх каля 33,1 тыс. — на бюджэт, піша sb.by.
У топе напрамкаў — інжынеры (23,3 % ад усіх бюджэтных месцаў), педагогі (11,8 %), медыкі (11,2 %) і аграрыі (9,4 %).
Медыцынская адукацыя
Сёлета ў медыцынскіх ВНУ адмянілі платныя месцы для дзённай формы навучання. Замест 200 платных месцаў у мінулым годзе дадалі 760 бюджэтных.
Таксама перагледзелі мэтавы набор — цяпер ён складае ад 40 да 70 % у залежнасці ад запатрабаванасці спецыяльнасці (ў мінулым годзе было 80 %).
Педагагічная адукацыя
У БДПУ на дзённае бюджэтнае аддзяленне выдзелілі 1 094 месцы (на 54 больш, чым у 2025 г.). Яшчэ 282 бюджэтныя месцы адкрылі на завочнай форме.
Найбольш запатрабаваныя спецыяльнасці: «спецыяльная і інклюзіўная адукацыя» (165 месцаў), дашкольная адукацыя (145), пачатковая адукацыя (125), фізіка-матэматычная адукацыя (120).
Паводле слоў рэктара ВНУ, па такіх спецыяльнасцях платных месцаў або зусім няма, або іх вельмі мала — гэта зроблена, каб абітурыенты арыентаваліся на бюджэтную форму навучання і стыпендыю.
Тэхнічная і інжынерная адукацыя
У БДТУ з 35 спецыяльнасцей на 12 прымаюць толькі на бюджэт. Сярод іх — нядаўна адкрытая «праектаванне і тэхналогія беспілотных авіяцыйных комплексаў».
У ВНУ растлумачылі, што колькасць бюджэтных месцаў вызначаюць з улікам патрэб арганізацый, даных Мінпрацы і апытанняў працадаўцаў. Гэта дазваляе рыхтаваць роўна столькі спецыялістаў, колькі патрэбна эканоміцы.
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі1
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары