«Kampaniju my vyrazajem»: zatrymany ŭłaśnik kramaŭ «Hryn» i HC «Skała» Hienadź Kirejkaŭ
Hienadź Kirejkaŭ — biełaruski biznesmien, zasnavalnik hrupy kampanij «RAPA», jakim naležyć, u pryvatnaści, sietka Green, viadomy HC «Skała», jon ža zajmajecca budaŭnictvam centra na miescy Červieńskaha kirmaša.
Jak viadoma «Našaj Nivie», tydzień tamu Kirejkaŭ byŭ zatrymany ŭ Minsku, suviazi ź im niama. Da taho biznesoviec byŭ u Ispanii, a zatrymali jaho litaralna praz paru dzion paśla viartańnia.
Biznes Kirejkaŭ raźvivaŭ razam sa svaim bratam Anatolem Kimam. Raniej jany abodva byli Kimami, ale ź niejkich estetyčnych pryčyn Hienadź źmianiŭ proźvišča na Kirejkava. Braty majuć karejskija karani.
Sens pytańniaŭ z boku orhanaŭ pakul niezrazumieły, znajomyja Kirejkava kažuć, što farmalna «niešta naličyli», niefarmalna isnujuć čutki pra palityčnuju pryčynu aryšta.
Siońnia Łukašenka zhadaŭ abstaviny, nie nazyvajučy słova «Hryn», ale adznačyŭ, što kampaniju «vyrazajuć pa jaho daručeńni»:
«Nie budu nazyvać kampaniju, jakuju my prosta zaraz vyrazajem. Handlovaja. Vaźmicie biełaruski tavar, pradukty charčavańnia, pradajcie. «Vy «jabaćki»? Biełaruskaje? Preč!» Kažu: praviercie, a što tam? Jehipieckaja bulba, polskija jabłyki, litoŭskaja pradukcyja i hetak dalej. Asabista daručyŭ svaim ludziam prajści i pahladzieć. Skažycie, jak ja pavinien stavicca da takoj kampanii, kali stvaryli ŭmovy, kab jana tut pracavała? Jaje ŭ Biełarusi nie budzie, jana ŭ nas nie deficyt».
U kampanii pracuje 4500 čałaviek.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary