Dziaržsakratar ZŠA Majk Pampiea sustreŭsia ź Vitalom Šklaravym i jaho siamjoj. Fota z sustrečy źjaviłasia ŭ tvitary Pampiea.
Vitali Shkliarov suffered 3 months of wrongful detention in Belarus. A huge team effort from @StateDept Med Services, @StateSPEHA, and our teams in Kyiv, Belarus, Minsk and Washington brought him home in October 2020. pic.twitter.com/KJqE5LVOwK
«Vital Šklaraŭ try miesiacy byŭ niezakonna zatrymany ŭ Biełarusi. Dziakujučy vialikim kamandnym namahańniam Dziaržaŭnaha departamienta ZŠA, śpiecyjalnaha pradstaŭnika prezidenta ZŠA Rodžera D. Karstenza i našym kamandam u Kijevie, Minsku i Vašynhtonie jaho pryvieźli dadomu ŭ kastryčniku 2020 hoda», — napisaŭ Pampiea.
Šklarava zatrymali ŭ Minsku 29 lipienia. Dziaržaŭny telekanał ANT paviedamlaŭ, što zatrymańnie Šklarava źviazanaje ź jahonaj pracaj na Siarhieja Cichanoŭskaha. Šklaravu vystavili abvinavačvańnie pa 342 artykule Kryminalnaha kodeksa Biełarusi — «Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich». Pravaabaroncy pryznali jaho palitviaźniem.
U časie znachodžańnia ŭ SIZA Šklaraŭ braŭ udzieł u sustrečy Łukašenki z palitviaźniami 10 kastryčnika.
Šklaraŭ byŭ vyzvaleny i pakinuŭ Biełaruś 24 kastryčnika. Vyzvaleńnie Vitala, u jakoha jość i amierykanski pašpart, abmiarkoŭvali pa telefonie Łukašenka i Pampiea.
Ciapier čytajuć
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 2026
Kamientary