«Apošni z mahikan»: palitołah Šklaraŭ raspavioŭ pra sustreču z Łukašenkam u SIZA dy pachvaliŭ Kolu
Pra heta palittechnołah Vital Šklaraŭ, što pravioŭ try z pałovaj miesiacy ŭ SIZA, raspavioŭ u intervju «Echo Moskvy». Nahadajem, sustreča Łukašenki z palityčnymi viaźniami ŭ SIZA ŭ KDB adbyłasia 10 kastryčnika.
«Heta była asablivaja sustreča. Nikoli ja jašče nie razmaŭlaŭ piać hadzin nasuprać svajho apanienta. Nikoli ja nie siadzieŭ nasuprać apošniaha z mahikan, mocnaha čałavieka, z adnaho boku. Ź inšaha boku, čałavieka, jaki pasadziŭ mianie ŭ turmu. (… ) Kruta było, kab u Navalnaha była mahčymaść piać hadzin pasiadzieć z Pucinym. Mahčyma, niešta b źmianiłasia ŭ Rasii. Piać hadzin razmovy z prezidentam, žorstka, heta darahoha varta. Piać hadzin z łazernaj prycelnaściu hladzieć prezidentu ŭ vočy, hladzieć na roŭnych, pačytać jaho…»
Na dumku Šklarava, pryjezd Łukašenki ŭ SIZA byŭ mocny chod, nievierahodny ekśpiryjens i adkryćcio dla siabie inšaha Łukašenki.
«Jon nievierahodna razumny i ŭsio vydatna razumieje. Jon adviazany, jamu nikudy nie treba śpiašacca, jon apošni z mahikan», — padkreśliŭ palitołah, adkazvajučy na pytańnie, ci razumieje Łukašenka, što adbyvajecca ŭ krainie, u tym liku pratesty. «Jon płotny, mocny mužyk».
Šklaraŭ dadaŭ, što žach jamu Łukašenka nie ŭnušaŭ, «mnie navat zdałosia, što my adnaho pola troški ludzi», «heta kruty mužyk».
Asobna Vital adznačyŭ, što jaho taksama ŭraziła, što Łukašenka — lubiačy baćka. Na sustrečy ŭ SIZA byŭ Kola — małodšy syn Łukašenki.
«Heta vielmi pryhožy vysoki małady čałaviek. Ździviła mianie, što ŭ jaho ŭzroście, 16 hadoŭ, jon piać hadzin zmoh prasiedzieć na sustrečy i słuchać darosłuju razmovu».
Staŭleńnie Łukašenki da syna, adznačyŭ Šklaraŭ, vyklikała ŭ jaho dysanans: z adnaho boku — apošni dyktatar, čałaviek z-za jakoha jon u turmie, a z druhoha — lubiačy baćka. Šklaraŭ pravioŭ paraleli z saboj: u Łukašenki — małodšy syn poźni, u jaho taksama. Tamu jaho prysutnaść Koli mocna ŭraziła.
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»9
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1212
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch12
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
Kamientary