Parašenka ŭziaŭ na siabie adkaznaść za apieracyju pa zatrymańni «vahnieraŭcaŭ» u Biełarusi
Były prezident Ukrainy Piatro Parašenka ŭ efiry ŭkrainskaha «5 kanała» nazvaŭ siabie inicyjataram śpiecapieracyi, vynikam jakoj stała zatrymańnie 33 rasijcaŭ z Pryvatnaj vajskovaj kampanii Vahniera letam 2020 hoda ŭ Biełarusi. Jon taksama zaklikaŭ pryciahnuć da adkaznaści vinavatych u zryvie apieracyi, piša Tut.by.
Sa słoŭ Parašenki, jon sankcyjanavaŭ praviadzieńnie hetaj śpiecapieracyi jašče ŭ 2018 hodzie, kali byŭ viarchoŭnym hałoŭnakamandujučym uzbrojenych sił Ukrainy. Metaj hetaj apieracyi było «zavabić va Ukrainu i sudzić tych, chto maje dačynieńnie da krušeńnia samalota MH17».
Pavodle jaho słoŭ, śpiecapieracyja pa zatrymańni «vahnieraŭcaŭ», na žal, była sarvanaja kankretnymi asobami. Eks-prezident Ukrainy nazvaŭ heta dziaržaŭnaj zdradaj i paabiacaŭ damahčysia pryciahnieńnia vinavatych da adkaznaści.
«Ja vielmi nastojliva raju stvaryć časovuju śledčuju kamisiju i dapytać usich udzielnikaŭ pracesu, a taksama nieadkładna adchilić tych, chto moža ŭpłyvać na abjektyŭnaść, niezaležnaść i sumlennaść rasśledavańnia, jakoje dakładna budzie praviedziena», — padsumavaŭ Parašenka.
U noč na 29 lipienia minułaha hoda 33 hramadzian Rasii, udzielnikaŭ pryvatnaj vajskovaj kampanii Vahniera, zatrymali ŭ sanatoryi «Biełarusačka» pad Minskam. Śćviardžałasia, što jany płanavali «destabilizavać abstanoŭku ŭ pieryjad vybarčaj kampanii pierad prezidenckimi vybarami», a ŭsiaho ŭ Biełaruś prybyli bolš za 200 bajevikoŭ. 33 rasijcaŭ abvinavacili ŭ «arhanizacyi masavych biesparadkaŭ» i źviazali sa spravaj Cichanoŭskaha i Statkieviča.
Rasija zapeŭniła, što metaj ujezdu ŭ Biełaruś «bajevikoŭ PVK Vahniera» byŭ tranzitny prajezd, kančatkovaj metaj ich padarožža była adna ź dziaržaŭ u Łacinskaj Amierycy, Łukašenka śćviardžaŭ, što ich kančatkovym punktam była Biełaruś i što jon viedaje, chto addavaŭ im zahady.
Kijeŭ paprasiŭ vydać častku «bajevikoŭ» va Ukrainu — jany brali ŭdzieł u padziejach na Danbasie ŭ składzie niezakonnych uzbrojenych farmiravańniaŭ. Ale 14 žniŭnia, nieŭzabavie paśla prezidenckich vybaraŭ u Biełarusi, Minsk źniaŭ z zatrymanych ŭsie abvinavačvańni i pieradaŭ Rasii.
Uładzimir Pucin nazvaŭ ich zatrymańnie ŭ Biełarusi akcyjaj ukrainskich i amierykanskich śpiecsłužbaŭ. Hetuju infarmacyju paćvierdzili i va Ukrainie.
-
Dvoje biełarusaŭ, jakija mieli suviazi z rasijskaj vajskovaj pramysłovaściu, atrymali amal paŭmiljona jeŭra ad ES
-
«Kab uvieś śviet havaryŭ pa-rusku, vyvučajcie aŭtamat Kałašnikava». U Rasii ŭdzielnik vajny daŭ nakaz školnikami 1 vieraśnia
-
Praz 30 hadoŭ sud nazvaŭ vinavataha ŭ zabojstvie Tupaka Šakura — adnaho z samych upłyvovych repieraŭ u historyi
Kamientary