Terminatar suprać Linkalna

Bitva za hledača praciahvajecca: u adnym kucie rynha Bien Styler sa svajoj niastrymanaj kamiedyja dla ŭsiaje siamji “Noč u muziei-2”, a ŭ druhim – Kryścijan Biejl z “Terminataram-4”. Pośpiech błokbastera pryniata acenvać pavodle jaho pośpiechu ŭ amierykanskaha hledača. U dadatak šmat čaho vyznačaje pieršyja dni prakatu, a dakładniej pieršy ŭik-end. Premjery dvuch pryhodnickich filmaŭ prypali na adzin uik-end, jaki doŭžyŭsia nie try viečary, a čatyry - dziakujučy śviatu, amierykanskamu Dniu Pamiaci.

Pieramožcy – Bien Styler, Evan Vinsan i Robin Viljams: za jašče adnu niespakojnuju nočku ŭ muziei z ažyłymi Ivanam Žachlivym, Abrahamam Linkalnam i staražytnymi jehipcianami jany zarabili 70 miljonaŭ – suma niečakana vialikaja, uličvajučy što za pieršuju častku padčas pieršaha uik-enda ŭ śniežni 2006 hodu jany dastali ŭdvaja mienš. Bieručy ŭ rachubu, što siamiejnyja filmy majuć tryvały popyt ciaham niekalki tydniaj, dyk sioleta hety film čakaje los adnaho z samych kasavych.

Prakatčyki čaćviortaha “Terminatara“, dzie Džona Konara, pravadyra ludziej u ich zmahańni suprać mašyn, hraje Kryścijan Biejł, a Arnold Švarcniehier prysutničaje ŭ kadry epizadyčna - musili zadavolicca sumaj u 54 miljony dalaraŭ. Kali hutarka viadziecca pra film z fantastyčnym biudžetam u 200 miljonaŭ, dyk takaja vyručka chutčej rasčaravańnie. Da taho ž, u nišy fantastyčnych trymcieńnikaŭ u “Terminatara-4: Zbaŭleńnie” chutka źjavicca kankurent “Transformiery-2”, čyja prymjera adbudziecca ciaham miesiacu.

U pryzavoj trojcy - kaśmičnaja epapieja ”Startrek”, što sabrała za vychodnyja 29 miljonaŭ (usiaho za 3 tydni - 191 miljon). Prybytki ź filmu pra tajny ordena iluminataŭ “Demany i anioły” z Tomam Chenksam za druhi tydzień maje 28 miljonaŭ (za 2 tydni nazapasiłasia ŭžo 87 miljonaŭ). Stužka pra supierhierojaŭ-mutantaŭ “Ludzi-Ch: Rasamacha” sabrała 10 miljonaŭ ( za 4 tydni – 165).

Razam za apošni ŭik-end u amierykanskim kinateatrach prybytki naličvalisia 224 miljony dalaraŭ, što trochi mienš za anałahičny pieryjad letaś, kali na ekrany vyjšaŭ daŭhačakany “Indyjana Džons i Karaleŭstva kryštalovaha čerapa”.

U Biełarusi film “Noč u muziei-2” - užo na ekranach, a čaćvierty “Terminatar” źjavicca na nastupnym tydni ad čaćviarha (u minskim kinateatry “Maskva” navat stajać vialikija rekłamnyja stendy).

• 0
• 0
• 0
• 0
• 0
• 0
• 0
• 0