Novy instahram deputatki Maryi Vasilevič taksama vydalili — jon praisnavaŭ usiaho try dni
Akaŭnt «Mis Biełaruś — 2018» i deputatki Maryi Vasilevič znoŭ vydalili ź instahrama.
«Mnie składana skazać, ci jaho ŭzłamali, ci vydalili paśla skarhaŭ karystalnikaŭ. Napeŭna, ciapier budu bolš aktyŭnaj u inšych sacsietkach, u fejsbuku. Kaniečnie, niepryjemnaja situacyja, ale nie budu źnikać z radaraŭ», — raskazała Maryja «Našaj Nivie».
Spačatku chakiery vydalili jaje instahram z 38 600 padpisčykami. Novy akaŭnt Vasilevič praisnavaŭ usiaho try dni, na jaho padpisałasia bolš za tysiaču čałaviek.
U adnym z dopisaŭ u novym akaŭncie deputatka tłumačyła, što nie była inicyjataram zakonaprajekta, jaki dazvalaje pazbaŭlać biełarusaŭ hramadzianstva, i navat nie hałasavała za jaho.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary