Biełhazprambank uznačalić Iryna Patapava. Jana była namieśnikam staršyni praŭleńnia
V.a. staršyni pryznačanaja namieśnik staršyni praŭleńnia Iryna Patapava, jana pracavała jašče pry Viktary Babaryku, piša Tut.by
Praŭleńnie sfarmiravana ź dziejučych supracoŭnikaŭ banka, jano pryniało paŭnamoctvy pa kiravańni 11 śniežnia (časovaja administracyja była ŭviedziena ŭ červieni paśla zatrymańnia byłoha staršyni Viktara Babaryki i šerahu top-mieniedžaraŭ).
U praŭleńnie ŭvajšli vykanaŭčy dyrektar Taćciana Aŭramienka, načalnik upraŭleńnia finansavych instytutaŭ Iryna Antonava, dyrektar departamienta karparatyŭnaha biźniesu Alaksandr Važdajeŭ, dyrektar departamienta roźničnaha biznesu Kanstancin Kirjanaŭ, vykanaŭčy dyrektar Uładzimir Karatkievič, namieśnik staršyni praŭleńnia Alaksandr Sotnikaŭ.
Alaksandr Sotnikaŭ, Iryna Patapava i Taćciana Aŭramienka byli ŭ składzie papiaredniaha praŭleńnia, u jakim było 8 čałaviek (u ciapierašnim — 7).
Dla Biełhazprambanka raspaŭsiudžanaja praktyka, kali kiraŭniki departamientaŭ traplajuć u skład praŭleńnia.
Tak było, da prykładu, u 2010 hodzie, kali na miesca Ludmiły Komir u praŭleńnie ŭviali dyrektara Departamienta ŭnutranaha aŭdytu Viačasłava Stankieviča. A Kirył Badziej, jaki ŭ 2006 hodzie ŭznačaliŭ Departamient kaznačejstva, u krasaviku 2014 hoda staŭ namieśnikam staršyni praŭleńnia.
Iryna Patapava ź liku tych rabotnikaŭ, jakija pracavali jašče pry Viktary Babaryku. Svaju dziejnaść u bankaŭskaj sistemie pačała ŭ Bielinviestbanku, dzie z 1996 pa 2008 hod zajmała pasady ekanamista, staršaha ekanamista.
U 2010 hodzie jaje zaćvierdzili namieśnikam hałoŭnaha buchhałtara Biełhazprambanka. Praź niekalki hadoŭ Patapava stała hałoŭnym buchhałtaram. A ŭ 2017 hodzie jaje pryznačyli namieśnikam staršyni praŭleńnia.
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary