U SIZA KDB, jak i ŭ luby inšy izalatar, nielha naŭprost pieradać knihi. Źniavoleny moža ci brać knihi ŭ miascovaj biblijatecy, abo kuplać pa śpisie ŭ kniharni. Tak pavinna być pa zakonie, bo čytańnie, jak i pierapiska, — heta adno z pravoŭ źniavolenaha, nahadvaje telehram-kanał Viktara Babaryki.
Na praktycy ŭžo miesiac jak Viktar Babaryka sutyknuŭsia ź nievytłumačalnaj prablemaj: jon afarmlaje zajavu na knihi, jakija možna kupić u Centralnaj kniharni, ale knihi prosta nie zakuplajuć i nie vydajuć jamu. Choć jaho zajavy ŭtrymlivajuć usie nieabchodnyja źviestki.
Viktar Babaryka lubić čytać. Adna z samych lubimych jaho knih — «Uładar piarścionkaŭ».
Taksama ŭ telehram-kanale nahadvajecca, što ŭ 2018 hodzie Viktar Babaryka vystupaŭ u Viciebsku na prezientacyi cykła knih Śviatłany Aleksijevič «Hałasy Utopii». Na vydańnie knih hrošy źbirali praz kraŭdfandynh, ale značnuju sumu ŭnios Biełhazprambank. Kiraŭnictva banka biaspłatna pieradało častku nakładu ŭ biblijateki Biełarusi.
Eks-pretendent u prezidenty ad 18 červienia znachodzicca za kratami.
Kamientary